Törek matbuğatına küzätü 7.02.2019
7nçe fevral' könne çıqqan qayber törek gazetlarına küzätü
“Sabaz” gazetı yazğança, “S-400lärneñ Törkiyägä kiläse köne bilgelände”
Rusiyä federal’ xärbi-texnik xezmättäşlek idaräse başlığı Dmitriy Şugayev S-400 raketa saqlanu sistemalarınıñ, kileşüdä äytelgänçä, 2019nçı yılnıñ közendä Törkiyägä tapşırılaçağın söyläde.
“Watan” gazetı “Tabiğıy sawlıq cäwhäre - qara magnitlı qom” turında yaza
Törkiyäneñ Qara diñgez töbägendä tabılğan magnitlı qara qom dön’ya külämendä qullanıluçı däwalaw ısullarında üzen kürsätte. Ul bizlärne êşlätä häm stress, yokı problemaları, revmatizm şikelle bik küp xastalıqqa qarşı çara bula. Älege qomnı bik siräk cirdä genä oçratırğa mömkin. Törkiyädä isä anı Qara diñgez töbägendäge Orduda taptılar. Ul êçendäge minerallar häm komponentlarınıñ baylığı belän iğ’tibarnı cälep itä.
“Xäbär Türk” gazetı xäbär itkänçä, “Törkiyä hawa yulları Superklasikoda mäydanğa çığaçaq”
Dön’ya külämendä ähämiyätle sponsorlıqlar başqaruçı Törkiyä hawa yulları Latin Amerikasında dön’yanıñ in zur sport oçraşuı “Superklasiko”da üzen kürsätergä äzerlänä. River klubı forma, stadion qullanı häm sośial’ mediada xezmättäşlek öçen şirkätkä täq’dim belän çıqtı. Törkiyä hawa yullarınıñ reklaması River Plate formalarında häm Êstadio Monumental stadionında urın alaçaq. Matç 8nçe fevral’dä Argentinada ütäçäk.
“Yana Şäfaq” gazetı “Huawei Törkiyädä töşerelgän täwge reklama fil’mın kürsätte” dip yaza
Aqıllı telefon çığaruçı Qıtay firmasının P smart 2019 televideniye reklama kampaniyäse başlandı. Fil’m Törkiyädä töşerelgän. Reklama “Huawei Mobil’ Törkiyä” YouTube kanalında çıqtı. Anda Êlaziğdağı Xazar küle, Şanlıurfadağı yäşeren cännät Xalfätiyä, Bitlisneñ Güroymağı häm Antaliyäneñ Tazı kan’yonı şikelle Törkiyäneñ tabiğıy maturlıqları kürsätelä.
“Star” gazetı “Çit il investorı bazarda 2019nı därman belän bäşlädı” dip belderä
“Borsa İstanbul”da ğıynvar ayında tögäl 798 million dollarlıq akśiyä çit il investorlarına satıldı. Şulay itep 2017nçe yıldan birle iñ yuğarı summalı kürsätkeçkä yaqınlaştılar. Ul yılnın ğıynvar ayında 816 million dollarlıq akśiyä satılğan bulğan.
