Törek matbuğatına küzätü 30.01.2019

30nçı ğıynvar könne çıqqan qayber törek gazetlarına küzätü

Törek matbuğatına küzätü 30.01.2019

“Xäbär Türk” gazetı “Ênergetika investiśiyäläre şäkelen üzgärtä” dip yaza

Xalıqara Ênergetika häm êkologiyä kürgäzmäse häm konferenśiyäse ğomum mödire Färayä Güräl Törkiyä ênergetika bazarınıñ zur üzgäreşlär häm borılış êçendä buluın belderde. “Bu çorda êlekkege waqıtqa qarağanda êlektr ênergiyäse citeşterügä investiśiyälär kimede, yaña investiśiyälär kübräk śifrlaştıru, innovaśiyä häm citeşterüçänlekkä qarawçı model’lärgä kertelä,”-dide ul.

“Watan” gazetı “Dön’yada täwge tapqır Törkiyädä çığarıldı” dip xäbär itä

Törkiyädä bordan suıtu üzençälegenä iyä yanğın sünderüçe toz yasap çığardılar. Bu dön’yada berençe şundıy matdä. Patent İzmirdäge ber şirkätneke. Yanğın sünderüçe toz kanserogen tügel. Qatı suıtu texnologiyäsendäge älege êşlänmä Törkiyäneñ yıl sayın çittän 3 milliard dollarlıq yanğın sünderüçe satıp aluına çik quyarğa mömkin.   

“Yaña Şäfaq” gazetı yazğança, “F-35lärne qaraw-tözätü İskeşähärdä yasalaçaq”

Milli saqlanu ministrı Xulusi Akar Törkiyä tarafınnan satıp alınaçaq F-35 xärbi oçqıçlarınıñ qaraw-tözätüläre İskeşähärdä bulacağın söyläde. Bu êş 1nçe Aviaśiyä qaraw-tözätü fabrikası idaräsenä tapşırıla. Törkiyä 100dän artıq F-35 oçqıçların alaçaq.

“Star” gazetı “Dön’ya Qıtaydan, Qıtay - Törkiyädän ala” dip yaza

Sivasta ber şirkät İndustrial’ 4.0 sıyfatında maşinalarda qullanıluçı bülüçe val çığara. Alar yaqınça 1 meñ 100 keşe mäşğul’ bulğan êşxanädä alğa kitkän texnologiyäle robotlar yärdämendä yasala. Bülüçe vallar dön’yanıñ iñ zur iq’tisadlarınnan berse - Qıtayğa satıla başladı. Vol’vo şirkäte belän tözelgän kileşü nigezendä yılda 350 meñ êşlänmä älege ilgä cibärelä.  

“Sabax” gazetı “Cähännäm tarlawığı kan’onı turistlarğa açıla” dip xäbär itä.

Törkiyäneñ Artvin töbäge Ardanuç rayonındağı Cähännäm tarlawığı kan’onı AQŞnıñ Arizona ştatındağı Grand kan’onnan soñ dön’yadağı iñ biyek ikençe kan’on. Ul yaña proyekt belän  turistlar öçen açılaçaq. Kan’onnıñ ike yarın 80 metr ozınlığındağı pıyala küper totaştıraçaq.



Bäyläneşle xäbärlär