TÖREK MATBUĞATINA KÜZÄTÜ 21.12.2018
21nçe dekabr’ könne çıqqan qayber törek gazetalarına küzätü
“Xörriyät” gazetı Ärdoğannıñ süzläre belän “Yasıysı ähämiyätle adımnarıbız bar” dip yaza
İlbaşı Räcäp Tayyip Ärdoğan belän İran däwlät başlığı Xäsän Ruxani kiçä ilbaşı rezidenśiyäsendä oçraşudan soñ urtaq matbuğat kiñäşmäse oyıştırdı. “Maqsatlarıbızğa ireşü öçen ixtiyar köçebez citärlek. Töbägebezdä bulğan bäreleşlärne beterü öçen Törkiyä häm İrannıñ bergä yasıy alacaq bik ähämiyätle adımnarı bar,”-dide anda Ärdoğan.
“Yaña Şäfaq’” gazetı isä Xulusi Akarnıñ süzlären başçağa çığara: “Xäzer qarşıbızda Münbiç häm Färatnıñ könçığışı bar”
Milli saqlanu ministrı Xulusi Akar Süriyädä Färat yılğasınıñ könçığışın basıp alıp çoqır häm tunnel’lär qazuçı separatist terrorçı oyışma YPG/PKK äğ’zaların üzläre qazığan çoqırğa kümäçäklären äytte. Ul Katar milli könendä qatnaşu öçen Doxağa kitkän cirennän belderü yasadı. “Xäzer qarşıbızda Münbiç häm Färatnıñ könçığışı bar. Bu mäs’älädä bik tığız êş alıp barabız”,-dide ul.
“Sabax” gazetı “Milli raketa Bora maqsatnı bolay yuq itte” di
Törkiyädä yasalğan Bora raketasınıñ sınaw atışı küreneşläre çıqtı. Alarnı Saqlanu sänäğate räise İsmail Dämir urtaqlaştı. Ul açıqlawda: “Bora raketabız 280 kilometr yıraqlıqtağı maqsatnı noqtağa qadär töz attı”- dip yazdı.
“Xäbär Türk” gazetı yazğança, “Turistlar Törkiyä, Kuba häm AQŞqa yünälde”
Berläşkän Patşalıqta bastırıluçı Tayms gazetı Awrupa berlegennän kileşüsez çığu tartışularınnan soñ turistlarnıñ kiläse cäyge çor öçen Törkiyä, Kuba häm Amerika Quşma Ştatların östen kürüen yazdı. Xäbärgä qarağanda, Törkiyä häm Afrikağa säyäxät teläkläre 50%qa artqan. AQŞ, Kuba häm Meksikağa oçu taläplärendä dä üseş küzätelä.
“Star” gazetı “İznik YuNESKO mädäni miras isemlegenä kerergä mömkin” dip xäbär itä
Germaniyä mädäniyät ministrlığında êşläwçe arxeologlar Bursanıñ tarixi ähämiyätkä iyä rayonı İzniktä tikşerenülär ütkärä. Ğalimnär Könçığış Rim imperatorı Berençe Yustinyan çorında tözelgän 1500 yıllıq tarixi Rim küperen dä centekläp qaradı. Arxeologlar fikerençä, küper häm başqa tarixi äsärlär tözekländerelsä, YuNESKO bötendön’ya mädäni mirası isemlegenä kerä alaçaq.
