Törek matbuğatına küzätü 23.11.2018

23 nçe noyabr' könne basılıp çıqqan qayber törek gazetlarına küzätü

Törek matbuğatına küzätü 23.11.2018

“Sabah” gazetı “Awrupa Berlege wäkillege Änkarada” isemle xäbärendä Törkiyä tışqı êşlär ministrı Mävlüt Çavuşoğlunıñ Törkiyä –Awrupa Berlege yuğarı däräcäle säyäsi dialog cıyılışı qısasında Änkarağa kilgän Awrupa Berlegeneñ tışqı mönäsäbätlar häm iminlek säyäsäte yuğarı wakile Federika Mogerini häm Awrupa Berlege komissiyäseneñ kiñäyüdän cawaplı äğ’zası Yoxannes Xan belän urtaq matbuğat oçraşuı ütkärüe turında yaza.

Xäbärdän kürengänçä, Çavuşoğlu Törkiyäneñ Awrupa Berlegenä tulı äğ’zalıqnı maqsat itep quyuın assızıqladı.

”Xörriyät” gazetınıñ ”Noyabr’ ayında qullanuçı ışanıç indeksı 59,6 buldı” isemle xäbärennän kürengänçä,Törkiyä statistika oyıması noyabr’ ayınıñ qullanuçı ışanıç indeksın açıqladı.

 Mäğ’lümatlardan kürengänçä, qullanuçı ışanıç indeksı noyabr’ ayında oktyabr’gä kürä 4%qa artqan.

Oktyabr’ ayında 57,3% bulğan indeks qıymmäte noyabr’dä 59,6% täşkil itkän.

”Star” gazetı “Maqsat - milli xärbi oçqıçnı 2023 nçe yılda qullanılışqa tapşıru” isemle yazmasında Törkiyä saqlanu sänäğäte başlığı İsmail Dämirneñ “Bu ozaq waqıt kiräktergän proyekt häm iñ yuğarı texnologiyäne maqsat itep quyabız. Milli xärbi oçqıçnı 2030 nçı yılda Törek Qorallı Köçlärenä tapşıru planlaştırıla” digän süzläre urın ala.

”Yäni Şafak” gazetı “Naim Söläymanoğlu bu yulı kinoda rekord quyaçaq” isemle xäbärendä prodyusser Mostafa Uslunıñ tanılğan ştangaçı Naim Söläymanoğluna bağışlanğan fil’m töşeräçägen xäbär itä.

Uslu bu xaqta tübändägelärne citkerde:”Fil’m 1 yıldan soñ äzer bulaçaq. Söläymanoğlu rolen kem başqaruı älegä bilgele tügel. İskitkeç fil’m bulaçaq. Naim Söläymänoğlu bu yulı kinoda rekord quyar dip uylıym”.

”Xäbär Törek” gazetı” Bertuğannar İspaniyada köç sınaşa” isemle xäbärendä Törkiyäneñ tanılğan motośiklçıları Can häm Dänizneñ FIM Bötendönya yäş’lär çempionatında 25 nçe noyabr’dä İspaniyada köç sınaşaçağın uquçıları belän urtaqlaşa.

 

 



Bäyläneşle xäbärlär