Törek matbuğatına küzätü 22.11.2018

“Star” gazetı: “Rusiyä matbuğatı: “Törkiyä ênergetika nığıtması bula”

İlbaşı Räcäp Tayyip Ärdoğan häm Rusiyä Däwlät başlığı Vladimir Putin qatnaşqan “Törek ağımı” proyektınıñ diñgez öleşen tämamlaw tantanası” Rusiyä matbuğatınıñ töp kön tärtibe teması buldı. Rusiyäneñ “İzvestiya” gazetı, sammitnı “Tämekkä turı kiterü: Törkiyä Rusiyä gazı öçen üzäkkä äylänä” dip atalğan yazmasında citkerep, “Törek ağımı” proyektınıñ Aq qoyı atom-töş stanśiyäse kebek Törkiyä häm Rusiyä arasındağı urtaqlıqnıñ simvolına äylänüen yaza. “Vedomosti” gazetı, proyektnı Rusiyä ênergetika şirkäte “Gazprom” tarafınnan Awrupa bazarlarına qarata alıp barğan iñ zur ike proyekttan berse bularaq bäyäläp, “Proyektnıñ salınuı - ike il arasında yäşängän oçqıç krizisı waqıtında da xätta tuqtap qalmadı”, - dip añlatma yasıy.

“Watan” gazetı: “Cirle yaman şeş daruı êşçänlege axırına yaqınlaştı”

Törkiyä fänni häm texnologik tikşerenülär oyışması TÜBİTAK qamilläştergän baş häm muyın yaman şeşläreneñ däwalanuı öçen cirle darunıñ laboratoriya êşçänlege tögällände. Sänäğät’ ministrı Mustafa Varank: "Yaman şeş daruı 2019nçı yılnıñ may ayında firmağa tapşırılaçaq. Xastalarıbızğa şifa bula aluı öçen tağın qayber barışlardan uzuı kiräk”, - dip äytte.

“Xörriyät” gazetı: “Kırklarälineñ söte 16 ildä êçelä”

TRAKYAnıñ möhim igençelek häm terlekçelek üzäklärennän Kırklaräli il iq’tisadına êksportlağan söt häm söt êşlänmäläre dä öleş kertä. Kırklaräli vilayäte başlığı (gubernatorı) Osman Bilgin: "Şähärebezdän yılnıñ 9 ayında 20 million dollarlıq söt häm söt êşlänmäläre êksportlandı. Awrupa standartlarında êşläp çığarğan söt häm söt êşlänmälärebezne 16 ilgä êksportlıybız", - dip açıqlaw yasadı. Awrupa Berlege äğzase illärgä 2013nçe yılda başlanğan söt êksportınıñ iñ êlek Greśiyağa yasaluın xäterlätüçe gubernator Bilgin soñınnan läzzätle häm sıyfatlı toyılğan Kırklaräli söteneñ Amerika qitğasınnan Aziya qitğasına (qıytğasına) qadär şaqtıy ilgä cibärelüen belderde.  

“Sabah” gazetı: “"Läfkä bize" Rus firmalarınıñ radarına kerde”

Biläcikneñ Osmanäli ilçäsendä 1900nçı yıllar başınnan birle tuqılğan, läkin 1980nçe yıllarda êşxanädä, fabrikada êşlänä başlanğan, soñğı yıllarda açılğan kurslar belän yañadan canlandırılğan häm ilçäneñ êlekke iseme belän yörtelgän "Läfkä bäzi" Rusiyä firmalarınıñ iğ’tibar üzägenä kerde. Rusiyädä uzğan atnada ütkärelgän "EthnoModa Festival of Young Designers çarasına täq’dir itelgän “Läfkä bize” jyuri tarafınnan iñ yaratılğan proyektlar arasınnan saylandı. Festivaldän soñ qayber Rusiyä firmaları Osmanäli cirle xakimiyäte belän êlemtägä kerep, “Läfkä bize” êşlänmälärennän ürnäklär soradı.

“Xäbär Türk” gazetı: “Çanakkalädä tabıldı”

Çanakkalä unsigez mart universitetınnan arxeologiya törkeme 3 yıl däwam itkän tikşerenü näticäsendä 2 meñ 700 yıllıq Limnai borınğı qalasın taptı. Tarix bülegeneñ borınğı çor tarixı tarmağı başlığı dośent doktor Räyhan Körpä İoniadan kilgän möhacirlär tarafınnan salınğan borınğı qalanıñ Rim çorına qadär bar buluın däwam itterüen belderep, bu urınnıñ ul çaqta Gälibolu yarım utrawınıñ iñ bay şähärlärennän berse buluın añlattı.