TÖREK MATBUĞATINA KÜZÄTÜ 02.11.2018

“Watan” gazetı “Ministr Albayraktan şaqqatqıç belderü” turında yaza

Qazna häm finans ministrı Bärat Albayraq: “Bötendön’ya bankınıñ xisabında Törkiyä 2019nçı yılda 2018nçe yılğa qarağanda 17 basqıçqa kütärelep 190 däwlät arasında 43nçe buldı,”-dide. Anın äytüençä, ilebez 2018dä tormışqa aşırılğan reformalar näticäsendä bıyıl täwge tapqır iñ küp reforma yasap yaxşırğan 10 däwlät arasında urın aldı. Xisap global’ investorlar öçen yärdämçe bularaq ta qullanıla.    

“Xäbär Türk” gazetı “Êksportta cömhüriyät tarixi rekordı” xaqında xäbär itä.

Säwdä ministrı Ruxsar Päkcan oktyabr’ ayı êksport sannarın belderde. Ul uzğan yılnıñ şul uq ayına qarağanda, 13,1% qa artıp 15 milliard 732 million dollarğa citte. Êksport, şulay itep, barlıq çorlarnıñ iñ yuğarı däräcäsenä mende häm cömhüriyät tarixi rekordı yasadı.

“Xörriyät” gazetı “Êlaziğda çığa häm 4 qıytğada 45 däwlätkä kitä” dip isemlängän xäbär belän urtaqlaştı

Êlaziğ şähärendä çığuçı çiyä tösendäge märmär Törkiyädä häm çit illärdä ähämiyätle urınnarda qullanıla. Qalada 6 zur märmär miçe bar. Alarda yasalğan märmärlär Qağ’bä häm Aq Yortqa da kitte. Qullanılğan soñğı urın - İstanbulnıñ yaña açılğan aêroportı. Älege citeşterü ilgä zur külämdä valyuta kertä. Êlaziğtan çıqqan märmärlär 4 qıytğağa cibärelä. İmportlawçı illär isemlegendä Qıtay, Hindstan, V’yetnam, İtaliyä, Soğud Ğaräbstanı, Rusiyä häm AQŞ bar.

“Sabaz” gazetı yazğança “Törkiyä 98 ilgä tozlağan yäşelçä êksportlıy”

İmmunitetnı kütärüçe, vitamin häm minerallarğa bay tozlağan yäşelçä törläre dä ähämiyätle valyuta çığanağı. Törkiyä 2018nçe yılnıñ ğıynvar-sentyabr’ çorında anı 98 ilgä satqan. Kerem - 151 million dollar. Anıñ 121 million dolların Êgey töbäge êşli. İñ küp çığarıluçı - tozlı waq qıyar. Anı satudan 40 million 500 meñ dollarğa yaqın kerem alınğan.

“Star” gazetı “Törek ğalimnäreneñ raketa tizlegen üzgärtä aluçı texnologiyäse” turında yaza

Bilkänt universitetında hawada xäräkät itüçe raketalarnıñ tizlegen avtomat räweştä üzgärtä aluçı kömpyuter programması tözedelär. Uqu yortınıñ maşina injeneriyäse bülege instruktorı Yıldıray Yıldız bolay dip belderde: “Bu êşçänlegebez näticäsendä hawada xäräkät itüçe raketalar tağın ber üzençälekkä iyä buldı. Älege programma yärdämendä raketalar hawada waqıtta tizleklären kimetä yäisä arttıra ala. Şulay itep, alar maqsatların tağın da yaxşıraq êzärlekli.”