Törek matbuğatına küzätü 12.10.2018

12 nçe oktyabr' könne basılıp çıqqan qayber törek gazetlarına küzätü

1067422
Törek matbuğatına küzätü 12.10.2018

 “Sabah” gazetı “Çavuşoğlunnan Ğıyraqta möhim belderülär” isemle xäbärendä räsmi säfär belän Ğıyraqqa kitkän Törkiyä tışqı êşlär ministrı Mävlüt Çavuşoğlunıñ möhim belderülär yasawı turında yaza.

 Gazet yazuınça, Çavuşoğlu  Êlegräk iminlek säbäbe belän yabılğan Basra häm Musul konsullıqların qabat açabız”dide. Mävlüt Çavuşoğlu Törkiyäneñ xalıqara xoquq qısasında terrorğa qarşı köräşne däwam itterüen belderde.

”Xörriyät” gazetı “Defiśit balansında 3 yıldan soñ täwge tapqır artıqlıq” isemle xäbärendä Törkiyädä ağımdağı operaśiyälär balansında avgust ayında 3 yıldan soñ täwge tapqır artıqlıq küzätelüen,ğıynwar-avgust aylarında ağımdağı defiśitnıñ 30 milliard 600 million dollar buluın citkerä. Törkiyä Cömhüriyät Üzäk bankı beldergänçä, 12 aylıq ağımdağı operaśiyälär defiśitı 51 milliard 125 million dollar täşkil itte.

”Vatan” gazetı “Cirle granatomyetlar yulda” isemle xäbärendä iminlek köçläreneñ bomba oçırtu ixtıyacın qanäğät’länderü öçen saqlanu sänäğäte räislege tarafınnan oyıştırılğan tendrda qatnaşuçı Konyadağı qoral firmasınıñ cir öste köçlärenä 8 meñ “AK40-GL”granatomyet êşläp çığaraçağın uquçıları belän urtaqlaşa.

”Star” gazetı ”Törkiyäneñ saqlanu sänäğäte êşlänmäläre AQŞta täq’dim itelde” isemle yazmasında Törkiyä saqlanu sänäğäteneñ tanılğan firmaları ROKETSAN häm REPKONnıñ Vaşingonda uzğan kürgäzmädä üz êşlänmälären tanıtuın citkerä.

Kürgäzmädä şirkätlärneñ texnologiya häm êşlänmälare xaqında mäğ’lümat birelde.

”Xäbär Törek” gazetı “Törek podryadçikları Afrikada” isemle xäbärendä törek podryadçiklarınıñ soñğı yıllarda Afrikadağı proyektları belän zur uñışlarğa ireşüe turında yaza.

 Xäbärdän kürengänçä, alar soñğı 4 yılda Afrika qıytğasında 15 milliard dollar külämendä timer yul, avtoyul, port,küper, tunnel’ häm başqa proyektlarnı tormışqa aşırdı.

 

 



Bäyläneşle xäbärlär