Törek matbuğatına küzätü 17.08.2018

17 nçe avgust könne basılıp çıqqan qayber törek gazetlarına küzätü

1034215
Törek matbuğatına küzätü 17.08.2018

“Yäni Şafak” gazetı “Çit il investorlarına Törkiyädän çaqıru” isemle xäbärendä Törkiyä qazna häm finans ministrı Bärat Albayraknıñ 6 meñ çit il investorına telekonferenśiya ütkärüe turında yaza.

Gazet beldergänçä, Albayrak investorlarğa Törkiyäneñ finans strukturası häm kiläçäktä yasalaçaq adımnar xaqında mäğ’lümat birde häm Törkiyädä kapital salırğa çaqırdı.

”Star” gazetı ”Valyuta byuroları törek lirası ölgertä almıy” isemle xäbärendä  Amerika Quşma Ştatları belän küzätelgän kiyerenkelektän soñ valyutadağı tirbäleş,sikereşlärgä reakśiya beldergän watandaşlarnıñ Törkiyä ilbaşı Räcäp Tayyip Ärdoğannıñ çaqıruına qolaq salıp dollarların törek lirasına almaştıruların citkerä.

Xäbärdän kürengänçä, valyuta byurosı xucaları isä watandaşlarnıñ taläben cirenä citkerü öçen törek lirası citeşterergä ölgerä almıy. 

”Sabah” gazetı ”Katardan soñ Qıtaydan da Törkiyägä zur külämle investiśiya” isemle xäbärendä Amerika Quşma Ştatlarınıñ Törkiyägä qarata iq’tisadi höcümennän soñ dönyanıñ zur investiśiyälär belän êşka kereşüe turında yaza.

Xäbärdän kürengänçä, Katarnıñ 15 milliard dollar külämendäge investiśiya planınnan soñ Qıtay da bu yünäleştä adım yasadı. İyül’ ayında êlektron säwdä şirkäte “Alibaba” satıp alğan “Trendyol” räsmi bularaq anıñ belän berläşte.

Vatan” gazetı “Qıtay turistı sanı 91%qa arttı” isemle xäbärendä Törkiyägä bıyılnıñ berençe ayında Törkiyägä kilgän qıtaylı turist sanınıñ uzğan yılnıñ  şul uq däwerenä kürä 91%qa artıp 191 meñgä citüen citkerä.

”Xäbär Törek” gazetı ”Marmaris Awrupanıñ iñ ideal yal itü urınnarı arasında” isemle xäbärendä Amerikanıñ xäbär internet säxifäse “Business Insider” az çığım belän yal itärgä teläwçelärgä Awrupada iñ ideal 18 yal itü urının saylawın belderä.

İsemlektä Törkiyädän Marmaris ta urın ala. Muğlanıñ Marmaris ilçäse iskitkeç tabiğate häm uñay yal itü bäyäläre belän isemlektä ikençe urında tora.

 

 



Bäyläneşle xäbärlär