Törek matbuğatına küzätü 01.08.2018
1 nçe avgust könne basılıp çıqqan qayber törek gazetlarına küzätü
”Sabah” gazetı “İlbaşı idaräse süzçese Qalınnıñ kritilk belderüläre” isemle xäbärendä Törkiyä ilbaşı idaräse süzçese İbrahim Qalınnıñ tübändäge süzlären citkerä:”Milli iminlek şurasında da qaralğan ilebezdä ,tirä –yağıbızda regional’ häm global’ waqıyğalardan kilep tuğan iminlek yanawları häm risklarına qarşı köräş däwam itäçäk. Süriyädäge watandaşlar suğışın säyäsi çişeleş yulı belän tuqtatu zarur häm monıñ belän bäyle säyäsi kereşülär däwam itä ,bolardan berse Soçi cıyılışı”.
“Star” gazetı ”Şanlıurfada Süriyä çik buyına Törkiyä bayrağı êlende” isemle xäbärendä Şanlıurfanıñ Akçakale cirle xakimiyäteneñ çik buyı iminlek bülekçäse baqçasına 6 metr ozınlığında häm 4 metr kiñlegendä Törkiyä bayrağı êlep quyuların häm älege bayraqnıñ “PKK/YPG” separatist terror oyışması kontrolendäge Tel Abyat töbägennän dä bik açıq kürenüen xäbär itä.
”Yäni Şafak” gazetı ”Cirle keşesez hawa apparatı Ulak höcümçene êläkterep alaçaq” isemle xäbärendä Törkiyä saqlanu sänäğäte êşläp çığaruçı keşesez hawa apparatına “Ulak” isemle yañasınıñ östälüen citkerä. Yaña üzençäklärgä iyä “Ulak”nı yıl azağında êşläp çığaru küzdä totıla.
”Xörriyät” gazetı “Sabiha Gökçän hawa mäydanınıñ yulçı sana artaçaq” isemle yazmasında İstanbulda urnaşqan Sabiha Gökçän xalıqara hawa mäydanında 26 million yevro külämendäge investiśiya belän tormışqa aşırılğan yaña östämä binanıñ qullanılışqa tapşırıluın uquçıları belän urtaqlaşa. Älege östäma bina belän aêroportnın yulçı sanınıñ da 41 millionğa citüe kötelä.
”Vatan” gazetı “Turizm keremnärendä rekord artış” isemle xäbärendä Törkiyäneñ turizm keremeneñ yılnıñ ikençe çiregendä uzğan yılnıñ şul uq däwere belän çağıştırğanda 30,1%qa artıp 7 milliard 44 million 591 meñ dollar buluın citkerä.
