Törek matbuğatına küzätü 23.07.2018
23nçe iyül’ könne basılıp çıqqan qayber törek gazetlarına küzätü
“Sabah” gazetı: “Albayraq: “Tarixi sammit buldı”
Kazna häm finans ministrı Bärat Albayraq Argentinadağı G20 cıyılışınıñ bik näticäle uzuın belderep: "Çınnan da, global’ säwdä bik awır sınawlardan uzğan çorda häm Törkiyä cähätennän dä yaña ber çornıñ başlanğıçı buluı yağınnan tığız iq’tisadi diplomatiyanı da üz êçenä alğan tarixi häm kritik sammit buldı bezneñ öçen”, - dip äytte.
“Watan” gazetı: “Törkiyäne “F-35”lär belän cäzalandırmağız”
Amerika Quşma Ştatları saqlanu ministrı Djeyms Mattis Kongressnı Törkiyäneñ Rusiyädän raketa saqlanu sistemasın satıp alu plannarı arqasında “F-35” oçqıçlarınıñ êşläp çığarıluı häm satıluına qağılışlı programmadan çığarılıp, cäzalandırılmawı zarurlığın kisätte.
“Star” gazetı: "Urta häm ozın möddätle “milli texnologiya” säyäsätläre äzerlänäçäk"
Saqlanu sänäğäte belän yözlärne köldergän texnologik üzgäreş “milli texnologiya” belän urta häm ozın möddätle säyäsätlärgä äylänäçäk. Yaña çorda Törkiyäneñ maqsatı yuğarı texnologiya belän global’ häm däräcäle markalar êşläp çığarıp, yasalma aqılda äydäp baruçı, aqıllı texnologiyälärdä lider, mäğ’lümatne citeşterüdä üzäk il bulu."
“Yäni Şafak” gazetı: “Alman turistlarınıñ Törkiyägä iğ’tibarı arttı”
Alman säyäxät agentlıqları berlege başlığı Norbert Fiebig "Frankfurter Allgemeine" gazetına yasağan açıqlawında, alman säyäxät agentlıqlarınıñ bıyılğı säwdä torışınıñ yaxşı kürenüenä işaräläp, biğräk tä Törkiyä, Grek utrawları, Bolgariya häm Misırğa urınnarnı ayırıp quyularnıñ artuına iğ’tibarnı yünältte. Fiebig alman turistlarınıñ Törkiyägä iğ’tibarınıñ artuın äytte.
“Xörriyät” gazetı: “Milli uqçı Mätä Gazoz altın medal’ qazandı”
Germaniya başqalası Berlinda oyıştırılğan Bötendönya uqçılıq kuboğınıñ 4nçe êtap yarışlarında irlär arasında klassik cäyädä milli sportçı Mätä Gazoz altın medal’ğa layıq buldı.
