Törek matbuğatına küzätü 20.06.2018
20nçe iyün’ könne çıqqan qayber törek gazetlarına küzätü
“Xörriyät” gazetı “Yıldırım AQŞnıñ F-35 qararına kisken cawap birde” dip yaza.
Xökümät räise Binali Yıldırım AQŞnıñ Törkiyägä qoral satunı waqıtlıça tuqtatu adımınıñ strategik urtaqlıq ruxına qarşı kilüen belderde. “Qarar tiskäre yaqqa kiteş. Törkiyäneñ al’ternativası bar. Bu omtılış ayanıç, strategik urtaqlıq ruxına turı kilmi,”-dide ul.
“Star” gazetı “İrannıñ Törkiyägä teläktäşlege” turında yaza.
İran parlamentı Milli iminlek häm tışqı säyäsät komissiyäse äğ’zası Möxämmät Cävad Cämali Nubändägani Törkiyäneñ PKKğa qarşı köräşen xuplawların belderde.
“Sabax” gazetı “Trabzon turizmı canlandı” dip xäbär itä.
Trabzonğa yıl başınnan birle kilgän çit il turistları sanı 100 meñnän arttı. Alarnıñ kübese Farsı qultığı illärennän. Trabzonda bu ayda otel’lär 80%qa tulğan.
“Yaña Şäfaq” gazetı “Törkiyädän täwge metro êksportı” turında yaza.
Törkiyädän täwge metro texnikası Tailandqa kitte. Bu - 4şär vagonnan toruçı 22 metro poyızdı. Anı “Bozankaya urtaqlığı” oyışması çığardı. Tailandta poyızdlarnı tantana belän qarşı aldılar.
“Watan” gazetı “Van-Täbriz poyızd säfärläre yañadan başlandı” dip belderä.
Törkiyäneñ Van qalasınnan İrannıñ Täbriz şähärenä kitüçe yulçı poyızdları qurqınıçsızlıq çaraları qısalarında waqıtlıça tuqtatılğan ide. 3 yıldan soñ ike arada yañadan poyızdlar yöri başladı.
