Törek matbuğatına küzӓtü 18.05.2018

“Star” gazetı Törkiyӓ ilbaşı Ӓrdoğannıñ xalıq ışanıçlıları belӓn ütkӓrgӓn iftardan soñ açıqlaw yasawın yaza.

Xӓbӓrdӓ ilbaşınıñ tübӓndӓge süzlӓre urın ala: “Ğinwar ayında möhim adım yasadıq. Törek qorallı köçlӓre tarafınnan Süriyӓneñ Afrin töbӓgendӓ “Zӓytün botağı” xӓrӓkӓten başlattıq. Bӓysez Süriyӓ Armiyase belӓn bergӓ dӓwam itüçe bu operaśiyane dönyağa ürnӓk itep beterdek.”

“Watan” gazetı Törkiyӓ ilbaşı Ӓrdoğannıñ İlbaşı kölliyӓtendӓ Venesuêla dӓwlӓt başlığı Nikolas Maduro belӓn telekonferenśiya aşa söylӓşü ütkӓrüen citkerӓ.

Gazet yazuınça ike il arasında kileşü imzalanğan söylӓşüdӓ Törkiyӓ tışqı êşlӓr ministrı Mӓwlüt Çavuşoğlu belӓn İqtisad ministrı Nihat Zӓybӓkçi dӓ qatnaştı.

“Xӓbӓr türk” gazetı tışqı êşlӓr ministrı Mӓwlüt Çavuşoğlunıñ İzrail Ğazzӓdӓ başqarğan küplӓp üterülӓrneñ Xalıqara cӓza mӓxkӓmӓsenӓ citkerelüe zarurlığın yaza.

Xӓbӓrdӓn kürengӓnçӓ Çavuşoğlu Törkiyӓ teleradiokompaniyase TRTdӓ kön tӓrtibenӓ bӓyӓ birde.

“Sabah” gazetı “Awrupa Berlegennӓn Törkiyӓgӓ maqtaw” isemle yazmasında Awrupa Berlegeneñ Kürşelek sӓyasӓte hӓm kiñӓyü söylӓşülӓre ğomüm mödir urınbasarı Maçiyej Popovskineñ Ӓnkarada yasağan açıqlawında: “Milli mӓğarif ministrlığı 2 yılda 600 meñ tirӓse süriyӓle balağa birgӓn belemnӓn bik tӓêsirlӓndem. Bügenge sӓfӓrebezneñ maqsatı da başqarılğan êşçӓnleklӓr hӓm uñışlarnı kürü ide,” – dip ӓytüen uquçıları belӓn urtaqlaşa.

“Yӓni Şafak” gazetı Törek qorallı köçlӓreneñ persoanlınıñ iminlege öçen telefon yasarğa ӓzerlӓnüen yaza.

Xӓbӓrgӓ kürӓ İmin kesӓ telefonı proyektı dip ataluçı bu telefonda cirle programmalar qullanılaçaq.