Törek matbuğatına küzätü 04.04.2018

 “Vatan” gazetı “Tarixi kön! Aqqoyı atom –töş stanśiyäsenä nigez salındı” isemle yazmasında Törkiyäneñ täwge atom-töş stanśiyäse bulaçaq Märsin Aqqoyı atom-töş stanśiyäsenä nigezne  Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putinnıñ saluı turında yaza.

Tantanada çığış yasawçı ilbaşı Ärdoğan “Bügen ilebez üseşe häm Rusiya belän ênergetika tarmağında xezmättäşlek başqaru yünäleşendä tarixi adım yasala” dide. Rusiya Federaśiyäse däwlät başlığı Putin isä Aqqoyı atom –töş stanśiyäseneñ ışanıçlı häm êkologik bulaçağın belderde.

”Sabah” gazetı ”Ärdoğannan rusça yullama” isemle xäbärendä Törkiyä ilbaşı Räcäp Tayyip Ärdoğan häm Rusiya Federaśiyäse däwlät balığı Vladimir Putinnıñ Aqqoyı atom-töş köç stanśiyäsenä nigez salğannan soñ ilbaşı Ärdoğannın twitter aşa törek häm rus tellärendä yullama yasawın citkerä.

Yullamada tübändäge yullar urın ala:”İlebezneñ 30 yıllıq xıyalı bulğan Aqqoyı atom-töş köç stanśiyäse Törkiyäneñ üseşe häm Rusiya belän ênergetika tarmağında xezmättäşlek başqaruda möhim tarixi adım. Bu investiśiyäne tormışqa aşıruğa öleş kertkän härkemgä, räsmi zatlarğa räxmätläremne citkeräm. Aqqoyı atom-töş stanśiyäsen 2023 nçe yılda êşlätä başlaw maqsatı nigezendä bergä êşläwne däwam itteräçäkbez”. 

”Yäni Şafak” gazetı “S-400 mäs’äläsendä kileştek” isemle xäbärendä Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putinnıñ urtaq matbuğat oçraşuı ütkärüen citkerä. İke lider S-400 mäs’äläsenä tuqtalğanda Ärdoğan “Bu mäs’älädä kileşü tä’min itelde, êş bette” dide. Putin isä “Tapşıru waqıtın qısqartu qararına kildek” dide.

”Star” gazetı” Törkiyägä S-400 birü - xärbi xezmättäşlekneñ berence çirattağı mäs’äläse” isemle xäbärendä Törkiyä ilbaşı Räcäp Tayyip Ärdoğan belän Rusiya Federaśiyäse däwlät başlığı Vladimir Putinnıñ ilbaşı idaräse kölliyätendä 1 säğät’ yarım küreşüen xäbär itä.

Oçraşudan soñ Putin” Törkiyägä S-400 birü- Mäskäw belän Änkara arasında xärbi xezmättäşlekneñ berence çirattağı mäs’äläse”dip belderde.

“Xäbär Törek” gazetı ”Törkiyä dönyanıñ kötü bülmäsennän çıqtı” isemle yazmasında Törkiyä sänäğät’ häm texnologiya ministrı Faruk Özlüneñ İstanbulda “Üseş alğan şirkätlär” isemle xisapnı tanıtu cıyılışında tübändägelärne citkerüen belderä:”Bez täräqqiyät’lärne monnan soñ tribunadan küzätep baruçı tügel, dönyanıñ möhim aktyerlarınnan berse bulaçaqbız. Törkiyä dönyanıñ kötü bülmäsennän çıqtı”.