Törek matbuğatına küzätü 19.02.2018

“Star” gazetı Törkiyä ilbaşı häm Ak partiya ğomüm başlığı Ärdoğannıñ Ak partiyaneñ Afyonkarahisardağı 6nçı çirattağı kongressında Törek qorallı köçläre tarafınnan Süriyäneñ Afrin töbägendä däwam itüçe “Zäytün botağı” operaśiyasendäge täwäkkällelegeneñ tağın ber qat assızıqlanuın yaza.

Xäbärgä kürä Ärdoğan tübändägeçä citkerde: “Cärablusta, Raidä, Babta bulğanı kebek Afrinda, İdlibtä, Münbiçtä dä näticägä ireşäçäkbez. Könnän-kön ciñügä taba barabız.”

“Watan” gazetı xökümät räise Binali Yıldırımnıñ Änkarada yasağan açıqlawında terrorçılıq belän köräşneñ däwam itüen äytüen citkerä.

Gazet yazuınça Yıldırım: “Bügen qaharmannarıbız Afrinda dastan yaza. Terrorçılıq betkänçe bu operaśiya däwam itaçäk. 1 terrorçı da qalmayaçaq,” – dide.

“Sabah” gazetı “54nçe München İminlek konferenśiyasendä çığış yasağan Törkiyäneñ tışqı êşlär ministrı Mäwlüt Çavuşoğlunıñ Süriyädä törle mänfäğat’, maqsatları bulğan şaqtıy ilneñ buluına iğtibarnı cälep itep, bu arqada söyläşülärne däwam itterüläre zarurlığın äytüen yaza.

Xäbärdä Çavuşoğlunıñ tübändäge süzläre urın ala: “Amerika Quşma Ştatları däwlät särqätibe Reks Tillersonnıñ säfärennän soñ qayber kileşülär täêmin ittek. AQŞ cirenä citkerer häm bu tapqır süzendä torır dip ışanam.”

“Xörriyät” gazetı Änkara belän Kars şähäre arasında säfär yasawçı häm soñğı könnärdä qızıqsınu könnän-kön artqan Könçığış êkspressı belän töbäkkä kilüçe cirle häm çit il turistlarnıñ turizmnı canlandırğan kebek Sarıkamış Cıbıltäpädäge çañğı şuu üzägendä keşelärneñ artuına säbäpçe buluın citkerä.

Xäbärgä kürä Sarıkamış turizm cämğiyäte başlığı Mir Xäsän Taş Könçığış êkspressınıñ töbäktäge turizm urınnarınıñ tanıluına zur öleş kertüen, Karsta turizmnıñ altın yılında buluın äytte.