Törek matbuğatına küzätü 31.01.2018

“Xörriyät” gazetı “İlbaşı bäysez Süriyä armiyäseneñ xärbi oyışma bulmawın belderde” isemle xäbärendä Törkiyä ilbaşı Räcäp Tayyip Ärdoğannıñ “Ğadälät häm qalqınu” partiyäse cıyılışında yasağan çığışında bäysez Süriyä armiyäsen üz Watannarın saqlaw öçen barlıqqa kilgän , Törkiyä  dä yaqlaw kürsätkän , Azatlıq suğışıbızdağı Kuvayı Milliye köçläre kebek xärbi bulmağan oyışma buluı turında äytüen citkerä.

”Sabah” gazetı “Çavuşoğlu Lavrov belän telefonnan söyläşte” isemle xäbärendä Törkiyä tışqı êşlär ministrı Mävlüt Çavuşoğlunıñ Rusiya Federaśiyäse tışqı êşlär ministrı Sergey Lavrov belän telefonnan söyläşüe turında yaza.

Xäbärdän kürengänçä, Süriyäneñ Afrin töbägendä başlatılğan “Zäytün botağı” xäräkäte belän bäyle soñğı täräqqiyät’lär häm Soçi sammitı söyläşelde.  

”Star” gazetı “Törek Qorallı Köçlärennan afrinlılarğa 3 teldä bergälek çaqıruı” isemle xäbärendä Törek Qorallı Köçläreneñ Afrindağı “Zäytün botağı” xäräkäte qısasında töbäk xalqına törek, ğaräp häm körd tellärendä yazılğan belderülärne hawadan ırğıtuın citkerä.

Belderüdä terror oyışmalarına qarşı köräş belän bergä “Afrin afrinlılarnıqı” yullaması yasaldı.

”Vatan” gazetınıñ “Antaliyağa kilgän turist sanı 12 %qa artqan” isemle xäbärennän kürengänçä, Antaliya hawa mäydanı administraśiya mödirlege mäğ’lümatlarına kürä barı tik Antaliya hawa mäydanı aradaşçılığı belän 9 million 738 meñ ,Gazipaşa hawa mäydanı belän bergä 10 million 486 meñ çit il turistı kilgän Antaliyada turizm tarmağınıñ 2018 nçe yılnı bik yaxşı başlap cibärüen belderä.

”Yäni Şafak” gazetı ”Bitlistä 1 million dollar külämendä qoyaş ênergiyäse stanśiyäse” isemle xäbärendä Bitlisneñ Tatvan ilçäsendä Nämrut tawı itäklärendä tözeläçäk stanśiya öçen tendr ütkärelüen uquçıları belän urtaqlaşa.

Tatvan xakimiyät başlığı Fättah Aksoy jurnalistlarğa yasağan belderüendä ilçädä monnan soñ qoyaş ênergiyäse êşläp çığaruğa kereşäçäklären belderde.