Törek matbuğatına küzätü 30.01.2018

 “Xörriyät” gazetı” Berdän kübräk AQŞ bar” isemle xäbärendä Törkiyä prem’yer-ministr urınbasarı häm xökümät süzçese Bäkir Bozdağnıñ şäxsi televideniye kanalında yasağan çığışında “Ber närsä söylilär, başqa närsä êşlilär. Monnan soñ Törkiyä barı tik süzgä genä tügel, êşkä , ğamälgä dä qarayaçaq. Qarşığızda berdän kübräk Amerika Quşma Ştatları bar. Bu mäs’älädä Pentagon  ber törle, däwlät departamentı başqa törle söyli. Bezneñ da baş butala. Qaysığızğa kürä êş başqarıyq?”dip äytüen citkerä.

”Vatan” gazetı “Çavuşoğlu Amerikanıñ yalğış yul saylawın belderde” isemle xäbärendä Törkiyä tışqı êşlär ministrı Mävlüt Çavuşoğlunıñ “Amerika Quşma Ştatları yalğış yul sayladı” isemle mäqaläseneñ  “The New York Times” gazetınıñ internet säxifäsendä urın aluı turında yaza.

Çavuşoğlu üz mäqaläsendä “AQŞnıñ Törkiyä kebek sälätle partnyerı bulğanda “YPG/PKK”ğa ışanuı üzenä zarar biräçäk xata”dip belderde.

”Sabah” gazetı” Möräcäğät’ itkän här ğailä faydalana alaçaq” isemle xäbärendä azıq-tölek,igençelek häm terlekçelek ministrlığınıñ ürnäk awıl modeli äzerläwen xäbar itä.

 Monıñ nigezendä här vilayät’tä 3 awılğa yärdäm birep igençelärgä ürnäk itep kürsäteläçäk.

”Xäbär Törek” gazetı “Qızılay”dan Malatyağa 20 million dollar yärdäm” isemle xäbärendä Malatyada 1989 nçe yılda tämamlanğan ämma hiç qullanılmağan Vagon tözekländerü êşxanäsenä “Qızılay” oyışmasınıñ 20 million dollar külämendäge investiśiyäse belän biredä afät sıyınu sistemaları êşläp çığarılaçağın uquçıları belän urtaqlaşa.

 “Star” gazetı “Törkiyä turizmı New-Yorkta ” isemle xäbärendä  Amerika Quşma Ştatlarınıñ mädäniyat başqalası New-Yorkta här yıl oyıştırılğan säyäxät yärminkäse “The New York Times Travel Show”da Törkiyäneñ tirän êz qaldıruın citkerä.

 Bıyıl yaqınça 150 ildän 500 dän kübräk qatnaşuçı urın alğan yärminkäneñ töp iğanäçese Törek hawa yulları buldı.

 Törkiyäneñ Vaşington mädäniyat häm tanıtu kiñäşmä idaräse dä uzğan yıllardağı kebek bıyıl da çarada iğanäçe buldı.