Törek matbuğatına küzätü 25.01.2018

“Watan” gazetı: ““YPG”gä yärdämne tuqtatığız”

İlbaşı Räcäp Tayyip Ärdoğan belän ike aydan soñ telefonnan söyläşkän Amerika Quşma Ştatları İlbaşı Donal’d Tramp arasında kiçä kiçen kritik telefon söyläşüe ütkärelde. Trampnıñ şaltıratuı belän uzdırılğan söyläşüdä Ärdoğan Amerika Quşma Ştatlarına qoral tänqitläwen citkerde. Terrorçılıq belän köräştä ike yaqlı xezmättäşlekneñ möhimlegenä tuqtalıp uzuçı Ärdoğan: “Terrorçılıq belän köräş qısalarında “PYD/YPG”gä Amerika Quşma Ştatları qoral yärdämen tuqtatırğa tiyeş” yullamasın belderde.

“Xörriyät” gazetı: “Çik buyınça imin liniya”

Tışqı êşlär ministrı Mäwlüt Çavuşoğlu Amerika Quşma Ştatları däwlät särkätibe Reks Tillersonnıñ üzenä Süriyä çige buyınça 30 çaqrımlıq iminlek töbägen buldıru täq’dimen yasawın äytte. Çavuşoğlu Tillersonnıñ: “Sezgä raketalar kilä. Bez baştaraq 10 çaqrımlıq sızıq dip uylağan idek. Nigezdä 30 çaqrımlıq bula aluın küzallıybız, tik bu ğına sezneñ wazğiyätegezne qanäğätländerä. Süriyä çige buyınça bulsın, sezgä terror höcüme yasalmasın”, - dip äytüen citkerde.

“Xäbär Türk” gazetı: “287 terrorçı täêsirsez xälgä kiterelde”

Ğomum ştab citäkçelege Süriyäneñ Afrin töbägendäge “Zäytün botağı” xäräkätendä kiçä 47 maqsatqa ut totıluın häm täêsirsez xälgä kiterelgän terrorçı sanınıñ 287 buluın belderde.

“Sabah” gazetı: “Prem'yer-ministr Yıldırım: ““Zäytün botağı” xäräkäte planlaştırılğan kileş däwam itä”

Premyer-ministr Binali Yıldırım Çankaya sarayında Nigeriya premyer-ministrı Brigi Rafini belän küreşte. Oçraşudan soñ Prem'yer-ministr Yıldırım “Zäytün botağı” xäräkäte belän bäyle bularaq: “Xäzergä çaqlı planlaştırğan kebek operaśiya däwam itä. Mäydanda çistartu êşçänlege alıp barıla,” – dip äytte. Terrorçılıqnıñ härtörlesenä qarşı ayawsız köräş alıp baruların äytüçe Yıldırım “Zäytün botağı” xäräkäteneñ maqsatınıñ Süriyäneñ cir bötenlegen täêmin itü, töbäktä terror qorılışların yuqqa çığaru, anda yäşäwçe kördlär, ğaräplär häm törekmännär östendäge zolımnı beterü buluın belderde.

“Star” gazetı: ““Zäytün botağı”nıñ uñışı bazarlarğa faydalı bula”

Afrindağı “Zäytün botağı” xäräkäte Törkiyä iqtisadında uñay atmosfera buldırdı. Finans ministrı Ağbal: “Operaśiya maqsatlarına ireşäçäk räweştä ütälä, bolar bilgele bulğan sayın iqtisadqa qağılışlı kötelgännärgä dä uñay yoğıntı yasayaçaq,” – dip äytte. Xäräkät başlanğannan birle şaqtıy uñışlı başqarıluı häm Törek qorallı köçläreneñ Afrinğa alğa taba baruınnan soñ “Borsa İstanbul” (BİST) birjası ber-ber artlı rekord quydı. Monnan aldağı könne 118.955 bilgegä kütärelep, rekord quyğan “Borsa İstanbul” birjası kiçä dä 119.000 bilgene uzıp citep, tağın ber märtäbä rekord quydı. Dollar isä törek lirası aldında bäyäsen yuğaltırğa däwam itä.