Törek matbuğatına küzätü 12.12.2017

“Sabah” gazetı “Bu qararnı tanımıybız” isemle xäbärendä Törkiyä ilbaşı Räcäp Tayyip Ärdoğannıñ Bötendönya keşe xoquqları köne programmasında yasağan çığışında “Amerika Quşma Ştatları bu qararı belän Yerusalimda qan qoyıluğa säbäp buldı. Bez bu qararnı tanımıybız häm tanımayaçaqbız. AQŞ ilbaşı Donal’d Trampnıñ bu belderüe bezgä dä , Yerusalimğa da qağılmıy”dip äytüen citkerä.  

”Vatan” gazetı ”Törkiyä üseştä Awrupa Berlege,G -20 häm OECD illären uzıp kitte” isemle yazmasında Törkiyä iq’tisadınıñ ağımdağı yılnıñ öçençe çiregendä şaqtıy üseşkä ireşep Awrupa Berlege,G-20,  iq’tisadi qalqınu häm xezmättäşlek oyışması OECD illären uzıp kitüe turında yaza.

Xäbärdän kürengänçä, Awrupa Berlege illärennän 4 tapqırğa kübräk üskän Törkiyä G-20 dä üseş külämnäre belän iğ’tibarnı cälep itkän Qıtay häm Hindıstannı  da uzıp kitte.

Törkiyä statistika oyışması ,Awrupa statistika ofisı häm OECD mäğ’lümatlarına kürä, Törkiyä ağımdağı yılnıñ ikençe çiregendä 5,2%qa üskän bulsa, öçençe çirektä bu kürsätkeç 11,1% täşkil itte. 

 “Xäbär Törek” gazetı “Dönyanıñ iñ qatı qorıçın törek şirkäte bordan êşläp çığardı” isemle xäbarendä Balıkäsirneñ Êdrämit ilçäsendäge Ar-Ge firmasınıñ bornı saflaştıru êşçänlekläre belän iñ qatı qorıç citeşterügä häm Amerikadan fän-belem büläge aluğa ireşüen uquçıları belän urtaqlaşa.

“Yäni Şafak” gazetı “Ministrdan tiz yöreşle poyezd xäbäre” isemle xäbärendä Törkiyä diñgezçelek häm êlemtä ministrı Äxmät Arslannıñ Şanlıurfağa tiz yöreşle poyezd proyektı belän bäyle “Gaziantep-Şanlıurfa tiz yöreşle poyezd proyektın ğinwar ayında başlataçaqbız”dip äytüen citkerä.

”Xörriyät” gazetı “Şveśiyädä yılnıñ qaharmanı-törek xatını” isemle yazmasında Şveśiyädä oyıştırılğan bäygeneñ  “Yul kürsätüçe”nominaśiyäsendä “Yılnıñ qaharmanı” bülägenä 7 bala änise 63 yäş’lek Fatma İpäk Alcınıñ layıq buluın citkerä.

 Büläklär Stokgol’mda ütkärelgän “2017nçe yılnıñ Şveśiya qaharmannarı” isemle programmada räsmi zatlar qatnaşında  tantanalı räweştä iyälärenä tapşırılğan.