Törek matbuğatına küzätü 04.12.2017
4 nçe dekabr' könne basılıp çıqqan qayber törek gazetlarına küzätü
”Sabah” gazetı “Törkiyä Awrupa Berlegeneñ 7 kriteriyen tämamlaw öçen êşkä kereşte” isemle xäbärendä Änkaranıñ Awrupa Berlegenä vizasız säyäxätne täêmin itüne tizlätü qararı qabul itüe turında yaza.
Xäbärdän kürengänçä, vizadan azat itüne ğamälgä aşıru öçen kiräkle 7 kriteriynı tämamlaw öçen yasalaçaq adımnar bilgelände.
7 kriteriy bäyläneşendä Törkiyä yasayaçaq adımnar tışqı êşlär ministrı Mävlüt Çavuşoğlu, Awrupa Berlegennän cawaplı ministr häm baş söyläşüçe Ömär Çälik ,ğadälät ministrı Abdülhamit Gül häm êçke êşlär ministrı Söläyman Soylu belän ütkärelgän cıyılışta bilgelände.
”Yäni Şafak” gazetı “İrannan 100 milliard dollarlıq çaqıru” isemle xäbärendä İran neft’ ministrı kiñäşçese Amir Talebiannıñ Törkiyä şäxsi tarmağın ênergetika tarmağında planlaştırılğan 100 milliard dollar külämendäge 6 möhim proyek investiśiyäse öçen çaqıruın citkerä.
Talebian Amerika Quşma Ştatları häm Berläşkän Millätlär Oyışması êmbargosı arqasında Törkiyäneñ bu proyektlar öçen alğı planğa çığuına basım yasadı.
”Xäbär Törek” gazetı “Kritik proyekt 2018 nçe yılda başlanaçaq” isemle yazmasında iyärçen cibärüdä Törkiyäneñ çitkä bäylelegen beteräçak “Burak” proyektınıñ 2018 nçe yılda başlanaçağın xäbar itä.
”Star” gazetı “İslam dönyası Nobelenä törek professor Sami Êrol Gelenbe layıq buldı” isemle xäbärendä İslam dönyasınıñ Nobele bularaq belengän Mostafa bülägeneñ London Imperial College da wazıyfa başqaruçı törek professor Sami Êrol Gelenbegä birelüen uquçıları belän urtaqlaşa.
”Vatan” gazetınıñ “Cünäyt Çakır çempionnar ligasında wazıyfa başqaraçaq” isemle xäbärennän kürengänçä, Törkiyäneñ FIFA sud’yası Cünäyt Çakır çempionnar ligasınıñ 6 nçı atnasında Germaniyanıñ “Bavariya Myunxen” komandası belän Franśiyanıñ “Pari Sen - Jermen” komandasınıñ 5 nçe dekabr’däge matçın alıp baraçaq.
Törkiyä futbol federaśiyäse beldergänçä, matçta Çakırnıñ yärdämçeläre sud’yalar Bahattin Duran häm Tarık Ongun bulaçaq.
Matçnıñ dürtençe sud’yası – Ämrä Êyisoy, Xösäyen Göçäk belän Barış Şimşäk - östämä yärdämçe sud’yalar.
