Törek matbuğatına küzätü 30.11.2017

30nçı noyabr’ könne basılıp çıqqan qayber törek gazetlarına küzätü

858464
Törek matbuğatına küzätü 30.11.2017

WATAN: “Angliyada İnternet tağın da äkren”

Törkiyäneñ aldınğı texnologiya şirkäte “NETAŞ”nıñ 50 yıllığı çarasında qatnaşqan Premyer-ministr Binali Yıldırım: “Mäğlümat häm êlemtä texnologiyalarınıñ tormışıbızdağı küläme arta baruın däwam itäçäk. Yaqın waqıtta yörtüçesez maşinalarnıñ çorı başlanaçaq. Texnologiya ölkäsendä Törkiyägä 2003nçe yıldan birle iskitmälek alğarışlar alıp kiterdek. 2002nçe yılda bez wazıyfağa kilgän çaqta kiñ yışlıqlı (tiz internet) digän närsä yuq ide. 2 kön êlek Angliyada idem. Anda internet tizlege tağın da äkrenräk. Xäzer kiñ yışlıqlı (tiz) internet bar, mobil’ internet bar. 10 yıl kebek waqıt êçendä 5G texnologiyälärenä taba barabız”, - dip äytte.

SABAH: “Törkiyädän Tön’yaq Koreyağa gäyepläw”

Törkiyä Tön’yaq Koreyanı ballistik raketa ırğıtuı arqasında gäyepläde. Tışqı êşlär ministrlığı Tön’yaq Koreyada başqarılğan ballistik raketa oçırtıluına qağılışlı belderü yasadı. Ministrlıqtan yasalğan belderüdä: "Koreya Demokratik Xalıq Cömhüriyäteneñ 2017nçe yılnıñ 29nçı noyabr’ könne, Berläşkän Millätlär Oyışması İminlek şurası qararların tağın ber qat bozıp, ütkärgän ballistik raketa oçırtuın gäyeplibez. Koreya Demokratik Xalıq Cömhüriyäten regional’ häm xalıqara iminlekkä häm totrıqlılıqqa yanawçı ğamällären tuqtatırğa häm BMO İminlek şurası qararlarında belderelgän yöklämälären ütärgä çaqırabız”, - dip äytelde.

XÖRRİYÄT: ““Törek ağımı”nıñ diñgez kiçüeneñ 30% tämam”

Rusiyä tabiği gazın Törkiyägä häm annan soñ Awrupağa qudırunı planlaştırğan “Törek ağımı” tabiği gaz ütkärgeçe proyektınıñ diñgez öleşe tözelüeneñ 30%ı tämamlandı. “TurkStream” şirkätennän yasalğan belderüdä ütkärgeçneñ Qara diñgez töbenä salınğan ike tirän torbanıñ tuplam ozınlığınıñ 555 çaqrımğa citüe äytelde.

İke ütkärgeçtän torğan häm härber ütkärgeç 15 milliard 750 million kub metr tabiği gaz qudıraçaq proyektnıñ diñgez öleşeneñ tözeleşen Rusiyäneñ “Gazprom” şirkäteneñ 100%lıq qatnaşuındağı “South Stream Transport B.V.” şirkäte başqara.

STAR: “Organik igençelek citeşterüendä dönyada berençe unlıqqa kerdek”

İgençelekkä soñğı yıllarda kürsätelgän yärdämneñ täêsire belän dä  “organik” citeşterü här uzğan kön arta bara. Tarmaq 10 yılda 5 märtäbä zurayğan bulsa, Törkiyä 70 meñ organik igençelek citeşterüçese belän dönyanıñ berençe 10 ile arasına kerde. “TEMA” Törkiyä êroziya belän köräş, ağaç utırtu häm tabiği baylıqnı saqlaw waqıfınıñ basu-qırlarnı üsterü proyektlarında citeşterelgän uñışlarnıñ satuın häm bazarğa täqdim itüen (marketingın) başqaruçı “Temarı Gıda”nıñ idarä şurası äğzase Vildan Yıldız birgän mäğlümatkä kürä, 1980nçe yıllarda 8 bulğan organik uñış sanı bügen 238 törgä barıp citkän wazğiyättä. Yıldız: “Törkiyädä organik igençelek uñışı bazarı 500 million dollar. Törkiyä bu uñışnıñ möhim ber öleşen 26 ilgä êksportlıy”, - dip äytte.

YÄNİ ŞAFAK: “Anadolu orlığına 30 ildän soraw-taläp”

Bıyıl 17nçese oyıştırılğan “Growtech Eurasia” xalıqara tepliśa igençelek cihazları häm texnologiyası yärminkäse 30 ildän 85 meñ keşeneñ kilüen maqsat itep işeklären “Antaliya Expo Center”dä açtı. Yärminkäneñ här yıl häm igençelek tarmağına häm dä şähärgä bäräkät kiterüen belderüçe “Growtech Marka” direktorı Ängin Är: “Bıyıl 4 qitğadan (qıytğadan) 30 ildän 800 qatnaşuçı firmabız bar. Ayıruça här yıl kilüçelär rekordıbıznı uzdıru kebek yolabız barlıqqa kilde. 2017nçe yıl maqsatıbız - 85 ildän 85 meñ kilüçegä ireşü”, - dip äytte.



Bäyläneşle xäbärlär