Törek matbuğatına küzӓtü 28.09.2017

“Sabah” gazetı “Ӓnkarada tarixi oçraşu” isemle xӓbӓrendӓ Rusiyӓ Federaŝiyase ilbaşı Vladimir Putinnıň bügen pӓnceşӓmbe könne êş sӓfӓre belӓn Ӓnkarağa kilӓçӓgen yaza.

Xӓbӓrgӓ kürӓ Törkiyӓ ilbaşı Racӓp Tayyip Ӓrdoğan hӓm Putin İlbaşı kölliyӓtendӓ ike yaqlı söylӓşüdӓn soň wӓkilleklӓrara söylӓşü belӓn citӓkliyӓçӓk. İke lider global’ hӓm regional’ mӓs’ӓlӓlӓr belӓn ber rӓttӓn ike il mönӓsӓbӓtlӓren üsterü öçen fiker alışaçaq.

“Yӓni Şafak” gazetı “Arakan öçen 100 meň keşelek çatır şӓhӓrçege” isemle xӓbӓrendӓ Törkiyӓ prem’yer-ministr urınbasarı Rӓcӓp Akdağ Bangladeştağı arakanlı möselmannar urnaşqan qaçaqlar şӓhӓrçegenӓ baruın citkerӓ.

Gazet yazuınça arakanlılar belӓn oçraşqan Akdağ Törkiyӓneň yaqınça 100 meň keşelek qaçaqlar şӓhӓrçege qoraçağın açıqladı. Törkiyӓ Bangladeşta su qoyıları belӓn qır xastaxanӓse dӓ açaçaq.

“Watan” gazetı Törkiyӓneň terrorçılıq belӓn körӓş hӓm qanunsız ilgӓ kerülӓrgӓ qarşı Süriyӓ çigenӓ tözegӓn dönyanıň iň ozın 3nçe diwarınıň tӓmamlanuın yaza.

Xӓbӓrdӓn kürengӓnçӓ diwarlar arasına 300 metr sayın qorılğan aqıllı nığıtmalarğa ASELSAN tarafınnan citeşterelgӓn qorallar urnaştırıldı. Diwarnıň Törkiyӓ yağına iminlek köçlӓreneň küzӓtüe öçen iminlek yulı da açıldı.

“Xörriyӓt” gazetı “Tabiği gaz öçen tağın ber zur proyekt” isemle xӓbӓrendӓ Törkiyӓneň ênergetika hӓm tabiği çığanaqlar ministrlığı Törkiyӓneň tabiği gaz talӓp iminlegen tӓ’min itü öçen möhim proyektnı çınğa aşırırğa ӓzerlӓnüen citkerӓ.

Gazet yazuınça yapon MOL şirkӓte belӓn ütkӓrelgӓn söylӓşülӓr nӓticӓsendӓ BOTAŞ arenda kileşüen imzaladı. Zur yözüçe terminal noyabr’ ayında êşçӓnlegen başlataçaq.

“Star” gazetı “Hürqoşqa reaktiv oçqıç qardӓşe” isemle yazmasında Törek qorallı köçlӓren köçӓytü waqıfınıň bӓylӓneşle partnerlıklarınnan TUSAŞnıň waqıfnıň 30nçı qorılış yıllığında üz işeklӓren watandaşlar öçen açuın xӓbӓr itӓ.

Xӓbӓrgӓ kürӓ çarada kilüçelӓrgӓ şirkӓt alıp barğan proyektlar belӓn bӓyle mӓğlümat birelӓ, ӓzerlӓngӓn materiallarda Yaňa nӓsel töp belem oçqıçı Xörqoşnıň reaktiv oçqıç versiyase bularaq başlatılğan “Xörjet” proyektınıň dizaynı tӓqdir itelde.