Törek matbuğatına küzätü 18.09.2017

“Yäni Şafak” gazetı: “Ğiraqnı (Ğıyraqnı) bülergä röxsät birmäyäçäkbez”

İlbaşı Ärdoğan 25nçe sentyabr’dä bäysezlek referendumın ütkärep töbäkne yaña suğışlarğa êtärergä teläwçe Ğiraq (Ğıyraq) körd regional’ citäkçelege başlığı Barzanine kisken räweştä kisätte. Berläşkän Millätlär Oyışması ğomum şurasında (general’ assambleyasında) qatnaşu öçen N’yu Y orkka kitkän Ärdoğan Tön’yaq Ğiraqtağı (Ğıyraqtağı) barışqa qarata soñğı qararnıñ 22nçe sentyabr’däge Milli iminlek şurasında qabul iteläçägen äytte.

“Star” gazetı: "Referendum üssüzlelege Haburnı yaba ala"

Barzani citäkçelege böten kisätülärgä qaramastan “Bäysezlek öçen referendum” qatğilığın däwam itsä, Ärbilgä sulış birgän Habur çik buyı qapqası yabıla alınır. Törkiyä, ber yaqtan, xärbi qatışu variantın tikşergän bulsa, şul uq waqıtta Ärbil citäkçelegeneñ “êkonomik” bularaq sulış ala alğan berdänber urın bulğan Habur çik buyı qapqası belän bäyle al’ternativalarnı ğamälgä kertergä äzerlänä. Törekmännärgä yaña säwdä yulın açaçaq şulay uq törekmän qalası bulğan Tälafärgä bäyle Zamar awılı aşa yaña çik buyı qapqasınıñ açıluı kön tärtibendä.

“Sabah” gazetı: "2018dä üsärgä däwam"

Prem'yer-ministr urınbasarı Mäxmät Şimşäk Törkiyäneñ 5%tan kübräk totrıqlı üseşenä däwam itäçägen äytte. Törkiyä êksportçılar assambleyasınıñ äydäp baruçanlığında Tulı wäqalätle ilçelärneñ Gaziantäp oçraşuında qatnaşqan Şimşäk: "2018 dä üsärgä däwam itäçäk yıl bulaçaq. Monnan tış Amerika Quşma Ştatları häm Awrupa üzäk bankınıñ da aqçalata kiñäyüen däwam itäçägen küräbez”, - dip äytte.

“Xäbärtörek” gazetı: "Umartaçılıq kongressı berençe märtäbä Törkiyädä”

Bötendönya umartaçılıq berlege federaśiyäse 1897nçe yıldan birle oyıştırğan Apimondia xalıqara umartaçılıq kongressı 120nçe yılında berençe tapqır Törkiyädä uzaçaq. 29nçı sentyabr’-4nçe üktäbr’ könnäre aralığında İstanbul kongress üzägendä ütkäreläçäk çarada 105 ildän 15 meñkeşeneñ qatnaşuı kötelä. Kongressta bal qortları häm umartaçılıq belän bäyle törle temalı konferenśiyälär oyıştırılaçaq.

“Xörriyät” gazetı "Rimdağısınnan zurraq"

Hataynıñ Antakiya ilçäsendä Rim çorına qarağan ippodrom häm ğibadätxanä kön yaqtılığına çığarıldı. Qorılmanıñ Rimdağı “Circis Maximus”tan tağın da zurraq buluı isäplänelä. Yaqınça 500 metr ozınlığında häm 75 metr kiñlegendäge ippodromnıñ bezneñ êrağa qadär 1nçe ğasırda salınuı häm 80 meñ keşelek buluı uylanıla.