Törek matbuğatına küzätü 25.08.2017

25nçe avgust könne basılıp çıqqan qayber törek gazetlarına küzätü

Törek matbuğatına küzätü 25.08.2017

“Yäni Şafak” gazetı “Çavuşoğlu Tillerson belän söyläşte” isemle yazmasında Törkiyä Tışqı êşlär ministrı Mäwlüt Çavuşoğlunıñ Amerika Quşma Ştatları däwlät särkätibe Reks Tillerson belän telefonnan söyläşüen häm telefon söyläşüendä Äfğanstan, Ğiraq (Ğıyraq) häm Süriyä mäs’äläläreneñ quzğatıluın yaza.

“Star” gazetı “Kurtulmuş: “Berençe altı ayda İstanbulğa yartı million alman turistı kilde”” dip atalğan yazmasında Törkiyä mädäniyät häm turizm ministrı Numan Kurtulmuşnıñ yasalğan böten tiskäre çaqırularğa qaramastan İstanbulğa berençe 6 ayda Germaniyadan yartı million turistnıñ kilüen äytüen citkerä.

“Xörriyät” gazetı “Törek möxändisläre (injenerları) yasadı, Qıtayda yullarğa çığaçaq” dip atalğan yazmasında “Ford Otosan”nıñ Qıtaynıñ “Jiangling Motors Corporation (JMC)” cawaplılığı çiklängän şirkäte belän qul quyğan motor (yörtkeç) texnologiyası, ram häm kabina êşläp çığaru liśenziyası kileşüennän soñ JMC markası belän citeşterügä başlanğan häm törek injenerlarınıñ xezmäte bulğan berençe “JMC HT” modelendäge yök maşinalarınıñ Qıtayda yullarğa çığarğa äzerlänüen yaza.

“Star” gazetı “Törkiyäneñ OSKAR namzäte “Ayla” buldı” isemle yazmasında Törkiyäneñ Oskar namzäteneñ rejissyor Can Ulkaynıñ “Ayla” isemle fil’mınıñ buluın xäbär itä.

“Watan” gazetı “Altın qız İräm Yaman” isemle yazmasında 2017 universitetlar cäyge olimpiadalarında törek milli txêkvondoçısı İräm Yamannıñ xatın-qızlar arasında 62 kiloda altın medal’gä layıq buluın belderä.



Bäyläneşle xäbärlär