Törek matbuğatına küzätü 21.08.2017
21nçe avgust könne basılıp çıqqan qayber törek gazetlarına küzätü
“Xäbär Türk” gazetı “Ärdoğan: “İsänlegebez turında süz barğan çaqta küzebez berkemne dä kürmäs” dip atalğan yazmasında Törkiyä İlbaşı Räcäp Tayyip Ärdoğannıñ, Süriyäneñ tön’yağında uynalğan uyınnarğa basım yasap, çik buyında terror qorılışları belän ozaq häm qanlı köräş alıp baruçı ilneñ Törkiyä buluın äytüen citkerä.
“Sabah” gazetı “Törkiyä avtomobil’ sänäğäte 150 milliard dollarlıq êksport başqardı” isemle yazmasında Törkiyä avtomobil’ sänäğäteneñ bügengä çaqlı tuplam 12 million 274 meñ maşina êksportlawın häm 5 qitğada (qıytğada) 193 ilgä yasalğan êksporttan yaqınça 150 milliard dollar külämendä kerem alınuın yaza.
“Star” gazetı “Alman watandaşları üz säyäsätçelären tıñlamıy” dip atalğan yazmasında Germaniyanıñ Törkiyägä qarata soñğı waqıtlarda alıp barğan yala yağu säyäsäteneñ xalıqara mäydanda häm üz watandaşları arasında taraf cıymawın belderä:
“Germaniyanıñ räsmi xäbär agentlığı “DPA” xäbärenä kürä, germaniya Tışqı êşlär ministrı Sigmar Gabrielneñ üz watandaşlarına 4 atna êlek yasağan “Törkiyägä barmağız” çaqıruına qaramastan Törkiyäneñ xäzerge waqıtta iñ küp saylap alınğan turizm ile wazğiyätendä.”
“Yäni Şafak” gazetı “Zärzävan qal’ğasında yaña açış” isemle yazmasında Törkiyädä Diyarbaqırnıñ Çınar ilçäsenä 13 çaqrım yıraqlıqtağı Dämirölçäk mäxälläsendä Rim imperatorlığı çorında “xärbi urnaşu cirlege” bularaq qullanılğan Zärzävan qal’ğasındağı arxeologik açışlarnı añlata.
“Watan” gazetı ““Törek Telekom”ğa “Stevie”dän 7 tarmaqta büläk” dip atalğan yazmasında “Törek Telekom”nıñ, 2017 “Stevie” büläklärendä yaña uñışqa ireşep, möräcäğät itkän böten kategoriyälärdän dä büläkkä layıq buluın xäbär itä.
