Törek matbuğatına küzätü 04.08.2017

4nçe avgust könne basılıp çıqqan qayber törek gazetlarına küzätü

783744
Törek matbuğatına küzätü 04.08.2017

“Sabah” gazetı “Törkiyäneñ möstäqillegen saqlawın yaqlıybız” isemle yazmasında Törkiyä Tışqı êşlär ministrı Mäwlüt Çavuşoğlunıñ räsmi säfär belän Qıtayğa kitüen xäbär itä häm başqala Pekindağı Däwlät qunaq yortında Çavuşoğlu belän Qıtay Tışqı êşlär ministrı Vang Yi oyıştırğan urtaq matbuğat oçraşuı turında mäğlümat birä:

“Vang: "Törkiyäneñ xalıqara mäs’älälärgä tağın da aktiv qatnaşuın ömet itäbez. Qıtay Törkiyäne möstäqillek, totrıqlılıq häm iminlegen saqlaw tırışularında yaqlayaçaq. Fälästin mäs’äläsendä Törkiyä dä kergän xalıqara cämäğätçelek belän xäl itelüen ömet itäbez”, - dip äytte.

Çavuşoğlu isä Şanxay xezmättäşlek oyışması belän bäyle bularaq: "Törkiyä regional’ häm xalıqara oyışmalar belän yaqın xezmättäşlek êzlänüe êçendä, xalıqara oyışmalar ber-berseneñ al’ternativı tügel, tämamlawçısıdır”, - dip äytte.”

“Watan” gazetı “Cil isäçäk, Törkiyä qazanaçaq” dip atalğan yazmasında, investorlarnıñ Törkiyäneñ cilenä birelüen assızıqlap, dönya däwläre zur iğtibar kürsätkän häm Törkiyägä 1 milliard dollardan kübräk kapital salu işegen açqan cil ênergiyası tenderın “Siemens-Türkärlär-Kalyon” konsorśiumınıñ ciñüen xäbär itä. Yazmada êlektr üzqimäteneñ töşep, çitkä bäylelekneñ azayaçağı, 1 milliard dollardan kübräk bulğan investiśiyanıñ iqtisadqa öleş kertäçäge assızıqlana.

“Xörriyät” gazetı “İnflyaśiya yañadan ber śifrlı” isemle yazmasında iyül’ ayında ber aylıq inflyaśiyanıñ 0.15%qa artuın, ber yıllıq inflaśiyanıñ 6 aydan soñ 9.79% belän ber śifrğa kimüen yaza.

Gazet belderüençä, iyül’ ayında cäyge ciläk-cimeşlär, kiyem, ayaq kiyeme oçsızlağan bulsa, kondiśioner häm ildäge turlar qimmätlanğan (qıymmätlängän).

“Star” gazetı “Êmbargonı säğätlär êçendä Törkiyä yärdämendä qırdıq” dip atalğan yazmasında Qatar iqtisad häm säwdä ministrı Äxmät Bin Jassim Al Thanineñ Törkiyäneñ İzmir qalasında yasağan çığışın citkerä:

“Al Thani, Törkiyä xalqına şökrannarın citkerergä teläwlären belderep: “Qatar iqtisadı qarşılıq kürsätüen isbatladı. Şaqtıy ildä iqtisadlar tiskäre yoğıntığa duçar bulsa, bezneñ iqtsadıbız nıq tora. Qatarnıñ bäysezlege häm köçle buluı öçen bar köçebez belän êşlärgä tiyeşbez. Bezgä qarşı yasalğan êmbargonı säğätlär êçendä Törkiyä yärdämendä zur külämdä cimerdek. Xäzerge waqıtta hiçber mäs’älädä kimçelegebez yuq. Bezdäge tabiği çığanaqlar, tabiği gaz êksportı Qatar iqtisadına zur öleş kertä. Bezgä qarşı ayawsız alıp barılğan häm qanunnarğa qarşı yasalğan qamawdan Törkiyä yärdämendä täêsirlänmädek. Bügen Qatar tabiği gaz citeşterüenä dönya külämendä däwam itä. Yäşängännärdän soñ tabiği gaz êksportıbızda kimü tügel, kiresençä 30%lıq artış barlıqqa kilde”, - dip äytte.”

“Xäbär Türk” gazetı “Äsra Bayraq – dönya çempionı” isemle yazmasında Atletizm Bötendönya yäş’lär çempionatınıñ atnakiçen Şveyśariyanıñ Notwill qalasında başlawın xäbär itä häm çempionatnıñ berençe könendä xatın-qızlar arasında ozın sikerüdä 5.16 metrlıq däräcäse belän Törkiyädän Äsra Bayraqnıñ dönya çempionlığın qazanuın belderä.

Gazet yazuınça, çempionatta 18 yäş’tän tübän kategoriyasında köç sınaşqan başqa törek atletı Muhsinä Gäzär isä ozın sikerüdä 4.17 metrlıq däräcäse belän kömeş medal’gä layıq buldı.



Bäyläneşle xäbärlär