Törek matbuğatına küzätü 29.05.2017

 “Sabah” gazetı “Yaňa iniŝiativa däwerenä äzerlänäbez” isemle yazmasında Törkiyä ilbaşı Räcäp Tayyip Ärdoğannıň İstanbul protokolı iftarı häm İstanbulnıň ciňep alınuınıň 564 yıllığı qotlawları programmasında yasağan çığışında yaňa iniŝiativa däwerenä äzerlänülären , monıň öçen berençe çiratta 2019 nçı yılğa qadärge çornı näticäle räweştä qullanaçaqların ,2023 nçe yılnıň Törkiyäne zamanca ŝivilizaŝiyägä iltüçe möhim data buluın, bu maqsatqa ireşkändä İstanbulnıň yänä lokomotiv wazıyfası başqaraçağın assızıqlawı turında yaza.

 “Yäni Şafak” gazetı “Kato kontrole” isemle xäbärendä Törkiyä êçke êşlär ministrı Söläyman Soylunıň Şırnaknıň Bäytüşşäbap ilçäsendä urnaşqan Kato tawında “PKK” terror oyışmasına yünälgän 40 kön buyı operaŝiyälär däwam itkän töbäkkä barıp waqiğa urınında tikşerülär ütkärüen citkerä.

Xäbärdän kürengänçä, terrorçılar qullanğan 53 mäğarädä küp sanda qoralnı qulğa töşergän ğaskärlärne täbrik itkän Soylu operaŝiya belän bäyle komandirlardan mäğ’lümat aldı.

 “Xäbär Türk” gazetı “Törek ğalimneň kitabı Avstraliyada däreslek buldı” isemle xäbärendä İstanbul Yeditäpä universitetınıň gastronomiya häm kuxnya sänğät’läre bülege başlığı doŝent Sibel Özilgänneň “Cooking as a Chemical Reaction” (“Ximik reakŝiya bularaq peşerü”) isemle kitabınıň Avstraliyada däreslek bularaq qullanıluın xäbär itä.

Gazet yazuınça törek uqıtuçı-ğalimeneň älege kitabı Home Economics programmalarına parallel’ räweştä alıp barılğan ber programmada däreslek bularaq, Amerika Quşma Ştatlarındağı qayber liŝeylarda isä çığanaq bularaq qabul itelde.

”Xörriyät” gazetı  “Altın pal’mağa iyä bula almadı” isemle yazmasında Kann fil’m festivalendä çığışı belän törek bulğan alman rejisser Fatih Akınnıň “Sulğan” fil’meneň “Altın pal’ma” bülägen ala almawın, ämma töp rol’ne başqaruçı Diane Krugerneň “İň yaxşı aktrisa” bulıp saylanuın uquçıları belän urtaqlaşa.

 “Altın pal’ma” büläge 19 namzät arasınnan Şveŝiya rejisserı Ruben Östlundnıň “The Square” fil’menä birelde.

”Star” gazetı “ Öç yoldızlı çempion” isemle xäbärendä “Bäşiktaş” futbol komandasınıň Gaziantep komandasın 4 - 0 isäbe belän ciňep super liganıň 2016-2017 nçe yıllar sezonı tämamlanırğa 1 atna qala çempionlığın iğ’lan itüen citkerä.

Şul räweşle “Bäşiktaş” 15 nçe tapqır çempion buldı häm êmblemasına öçençe yoldızın östäde. Mondıy näticä belän “Bäşiktaş” Törkiyä futbol federaŝiyäsennän 91 million lira, Awrupa futbol federaŝiyäläre berleğe UEFAdan isä 25 million yevro premiya alaçaq.