Törek matbuğatına küzätü 05.05.2017

5nçe may könne basılıp çıqqan qayber törek gazetlarına küzätü

726612
Törek matbuğatına küzätü 05.05.2017

“Xäbär Türk” gazetı “Törkiyädä kapital salğan çit il keşesenä watandaşlıq bireläçäk” isemle yazmasında çit il keşelärenä Törkiyä watandaşlığın aludağı ciñelleklärgä yañasınıñ östälüen yaza:

“Törkiyädä kim digändä 1 million yarım dollar külämendä küçmäs milek investiśiya fondına quşılu payına yäki käsepçe kapitalı fondına qatnaşu öleşenä iyä bulğan çit il keşeläre Törkiyä watandaşlığın alu xoquqın qazanaçaq. Monıñ nigezendä 1 million yarım dollar külämendä küçmäs milek kapital salu fondına yäisä käsepçe särmayäse investiśiya fondına pay kertkän häm 3 yıl waqıt buyı şuşı öleşne qulında totuı bilgelängän çit il keşelärenä Ministrlar Şurası qararı belän Törkiyä watandaşlığı birelä alınaçaq.”

“Xörriyät” gazetı “Törek ağımı proyektınıñ salınuı başlıy” dip atalğan yazmasında Rusiyä ênergetika şirkäte “Gazprom”nıñ Rusiyä tabiği gazın Törkiyä aşa Awrupağa citkeräçäk “Törek ağımı” proyektında ütkärgeçne salu êşläreneñ tämamlanuın xäbär itä:

“Proyektnıñ tözelüenä berniçä kön êçendä başlanaçaq. “Törek ağımı”nıñ 31 milliard yarım kub metr tabiği gaz qudıra alaçaq 900 çaqrımlıq, Qara diñgezdän uzğan ike öleşe öçen 7 milliard yevro sarıf iteläçäk. “Törek ağımı”nıñ diñgez astınnan uzğan öleşen tulısınça “Gazprom” qaramağındağı “South Stream Transport B.V.” başqara. Proyektnıñ Törkiyä cirlärennän uzğan öleşeneñ isä urtaqlaşıp salınuı planlaştırıldı. Proyekt 2020nçe yılda xezmätkä keräçäk.”

“Yäni Şafak” gazetı ““PKK”nıñ taw kadrları yuqqa çığa” isemle yazmasında Kön’yaq-könçığış Anadoluda alıp barıluçı terrorçılıq belän köräş operaśiyalarında “PKK” separatist terror oyışmasın zur zıyan kiterelüen yaza:

“Barı tik Tuncälidä buluı uylanılğan 200 terrorçınıñ 130ı täêsirsez xälgä kiterelde. “PKK”ğa quşılular bette diyärlek, oyışmadan qaçular da başladı. Cirle xalıq monnan arı terrorçılarnı yaqlamağanı kebek totıluı öçen aqçalata büläk iğlan itelgän terrorçı citäkçelärneñ urının xäbär itä. Äf’yün säwdäse (narkobiznesı da) tuqtap qalğan terror oyışmasına finans yaqtan zur zıyan kiterelde.”

“Sabah” gazetı “Awrupa parlamentınıñ Törkiyä xisapçısı Kati Pirineñ yalğanı bilgele buldı” isemle yazmasında Awrupa parlamentınıñ Törkiyä xisapçısı Kati Pirineñ separatist terror oyışması “PKK” äğzase terrorçılarnı tınıç xalıq kebek kürsätü tırışlığınıñ näticä birmäwen citkerä:

“Törkiyä küzläw oyışması Pirineñ grajdan dip äytkän terrorçılarnı aqlaw plannarın dokumentlar belän yuqqa çığardı. Küzläw xisaplarına kürä, Kati Pirineñ tınıç xalıqtan dip ışandırırğa tırışqan terrorçılar Törkiyädä “PKK”nıñ, Süriyä häm Ğiraqta isä PYD, YPGneñ kod isemnären yörtä.”

“Star” gazetı “Süriyädä yaña ömet: “Färat qalqanı” model’ buldı” dip atalğan yazmasında Törkiyäneñ oppoziśionerlarnıñ yärdäme belän Süriyäneñ tön’yağında başqarğan terrorçılıqtan arındıru operaśiyası bulğan “Färat qalqanı”nıñ ildä altı yıl inde xökem sörüçe watandaşlar suğışınıñ beterelüe häm säyäsi küçeşneñ täêmin itelä alınuı öçen dönyağa model’ buluın belderä.



Bäyläneşle xäbärlär