Törek matbuğatına küzätü 27.04.2017

27nçe aprel’ könne basılıp çıqqan qayber törek gazetlarına küzätü

721576
Törek matbuğatına küzätü 27.04.2017

“Sabah” gazetı “Könbatış tragediyalar aldında 3 maymılnı uynıy” isemle yazmasında İlbaşı Räcäp Tayyip Ärdoğannıñ Somali İlbaşı Abdullahi Möxämmäd Farmajo belän söyläşüennän soñ oyıştırılğan urtaq matbuğat oçraşuında alğa kitkän Könbatış illären açlıqtan qırılğan Afrikağa iğtibarsız qaluın tänqitläwen yaza:

“Ärdoğan: "Afrika külämendä kübese xatın-qızlar häm balalardan torğan 14 million keşe açlıq çigä. Şaqtıy könbatışlı alğa kitkän ilneñ mondıy humanitar tragediyalar aldında öç maymılnı uynawın küräbez. Balalar açlıqtan ülgän dönyada ni xozur, ni tınıçlıq, ni totrıqlılıq bulır”, - dip äytte.”

“Star” gazetı  "Operaśiya tügel, äsas şuşı fakt soraw astına alınırğa tiyeş” dip atalğan yazmasında Törkiyäneñ F-16 xärbi oçqıçlarınıñ Ğiraqta Sincarda häm Süriyädä Qaraçokta “PKK/PYD” separatist terror oyışmasına oyıştırğan operaśiyada 70 terrorçınıñ täêsirsez xälgä kiterelüennän soñ Amerika Quşma Ştatlarınıñ “borçılu” belderüenä Törkiyäneñ Awrupa Berlegennän cawaplı ministrı Ömär Çälikneñ reakśiya kürsätüen citkerä:

“Çälik, NATO äğzase Törkiyäneñ üzenä yanaw täşkil itkän terror lagerına höcüm itüen belderep: “Şuşı terror lagerına başqa ber NATO ileneñ, Amerika Quşma Ştatlarınıñ ber komandirı häm şuşı terror oyışması äğzase bulıp kitkän. Monıñ artınnan “borçılabız” dip belderü yasaw – döres totışta bulmawnı kürsätä. Nigezdä borçıluı, soraw astına alınuı zarur bulğanı şuşıdır”, - dip äytte.” 

“Yäni Şafak” gazetı "Xisapnı Kandil äzerlägän” isemle yazmasında Awrupa iminlek häm xezmättäşlek oyışmasınıñ 16nçı aprel’ referendumı xisabınnan soñ Törkiyäneñ küzätü astına quyıluın telägän Awrupa şurası parlamentarıylär assambleyası xisabınıñ artında da “PKK” häm “FETÖ”nıñ buluın belderä:

“Skandal xisapnı äzerlägän Törkiyä xisapçıları Ingebjorg Godskesen belän Marienne Mikko “PKK” häm “FETÖ” lobbisın başqara. Godskesen, 1997nçe yıldan birle “PKK”nıñ Norvegiyadağı böten êşçänlegenä yaqlaw kürsätep, terrorçılarnıñ säyäsi utırış xoquqı buluı öçen tırıştı. 20 yıl êçendä “PKK”nıñ ildäge 11 zur cıyılışında qatnaştı.”

“Watan” gazetı "3 awrupalıdan bersenä Törkiyä balığın aşatabız” dip atalğan yazmasında dönyanıñ üz ölkäsendä iñ zur yärminkäse bularaq qabul itelgän “Sea Faad” Bryussel’ global’ su êşlänmäläre yärminkäsendä Törkiyä şirkätläreneñ üzlären möhim däräcädä täqdir itüen yaza:

“Habärtürk” gazetı " Dikili-Midilli säfäre 5 yıldan soñ yañadan başladı" isemle yazmasında İzmirneñ Dikili rayonı başlığı Mustafa Tosunnıñ kereşüläre belän tormışqa aşırılğan proyekt qısalarında Törkiyäneñ Dikili häm Greśiyanıñ Midilli portları arasında diñgez säfärläreneñ başlanuın xäbär itä.



Bäyläneşle xäbärlär