Törek matbuğatına küzätü 13.04.2017
13nçe aprel' könne basılıp çıqqan qayber törek gazetlarına küzätü
“Yäni Şafak” gazetı 16nçı aprel’ könne uzaçaq Töp qanun üzgäreşe referendumına 4 kön qala könbatışnıñ ozaq waqıt buyı däwam ittergän Törkiyägä qarşı propagandaların üzgärtüen yaza.
Xäbärgä kürä Törkiyä xökümäte häm ilbaşı Ärdoğanğa qarşı bulğan höcümçe totışlarnıñ monnan soñ üzgärüe zarurlığın beldergän “The Tayms” gazetı yazuçısı Rodjer Boyes Yaqın Könçığıştağı tigezleklärne Ärdoğannıñ täêmin itäçägen äytkän.
Gazet yazuınça Rodjer Boyes könbatışnıñ Ärdoğan belän mönäsäbätlären yaxşırtuı häm separatist PKK terror oyışmasınıñ Süriyädäge törkeme PYDne xuplawdan waz kiçergä çaqırğan.
Sabah” gazetı “Tramp Ärdoğannıñ äytkänen yasıy” isemle yazmasında Törkiyä ozaq yılalr buyı citkergän Süriyädä tınıç xalıqnıñ saqlanıluı öçen oçu öçen tıyılğan töbäk barlıqqa kiterü planına nihayät AQŞtan da adımnıñ yasaluın citkerä.
Xäbärdän kürengänçä Äsädneñ 4nçe aprel’ könne ximik höcüm belän 100 tiräse ğayepsez keşene üterüenä rejimğa bäyle Şayrat bazasına ut açıp, cawap qaytarğan Amerika Quşma Ştatları imin töbäk mäs’äläsenä dä uñayq arıy başlağan.
“Watan” gazetı “Rusiyä turistlarınıñ yaratqan urını – Törkiyä” isemle xäbärendä Törkiyäneñ Rusiyä turistları yal itü öçen berençe itep saylağan urın bulunı däwam itterüen yaza.
Xäbärgä kürä Rusiyädäge Tur operatorlar berlege tarafınnan yasalğan açıqlawda Rusiyädän yal itü rezervaśiyaläreneñ 50%ınıñ Törkiyägä yasaluı belderelgän. Belgeçlär bıyıl Törkiyägä 5 million Rusiyä turistınıñ kilüen kötä.
Xäbärdän kürengänçä Rusiyä turistlarınıñ 85%ı Törkiyägä diñgez, qom häm qoyaş turizmı öçen kilä. Rusiyä turistları öçen dönyada yal itüdä berençe urında Törkiyä tora.
