Törek matbuğatına küzätü 28.02.2017

 “Yäni Şafak” gazetı” Rakka xäräkätlelege” isemle yazmasında Rakkanı “DEAŞ” tan arındıru planı tögällängändä Törkiyä ilbaşı Räcäp Tayyip Ärdoğannıň milli saqlanu ministrı Fikri Işık häm ğomum ştab başlığı Hulusi Akar belän oçraşıp Rakka operaŝiyäse xaqında söyläşüen citkerä.

 Xäbärdän kürengänçä, Pentagon aldağı 2 täwlek êçendä Rakka operaŝiyäse plannarın Änkarağa tapşıraçaq. Änkara belän Vaşington arasında däwam itkän diplomatik söyläşülärdä xäräkät öçen Akçakele-Telabyad liniyäsenä östenlek birelä. Operaŝiyädä 4 meň törek ğaskäreneň häm 6 meň irekle Süriyä armiyäse äğzasınıň qatnaşuı kötelä.

”Sabah” gazetı” Äl Babqa Cärablus modele” isemle xäbärendä “DEAŞ” terror oyışmasınnan qotqarılğan Süriyäneň Äl Bab qalası öçen Cärablus modele qullanılaçağı turında yaza.

İň berençe çiratta şähärneň töp ixtıyacları küzdä totılıp azıq-tölek yärdämnäre arttırılaçaq, sälamätlek saqlaw problemaları xäl iteläçäk. Zıyan kürgän asqorma küzdän kiçereläçäk. Yäş’lärgä belem birep cirle poliŝiya oyışması buldırılaçaq. Wäkillek buldırıp şähärneň häm aňa bäyle awıllarnıň problemaları bilgelanäçäk. Törkiyä bu êtapta logistik yärdäm kürsätäçäk. Şähärdäge mäktäplär tözekländereläçäk ,toraq ixtıyacları dä qanäğätländereläçäk.

“Xäbär Türk” gazetı “Zamança Yefäk yulı öçen tarixi sammit” iseml yazmasında Qıtay däwlät başlığı Şi Jinpingnıň zamança Yefäk yulı proyektın tormışqa aşıru öçen 14-15 may könnärendä Qıtay başqalası Pekinda 65 il liderı belän oçraşaçağın xäbär itä.

Xäbärdän kürengänçä, Jinping yuğarı däräcäle oçraşuğa Törkiyä ilbaşı Räcäp Tayyip Ärdoğannı da çaqırdı. Qıtay Törkiyäneň bu proyektta urın aluına zur ähämiyät birä.

”Star” gazetı” Awrupa Berlegenä êksport payı 60%qa citäçäk” isemle yazmasında Törkiyä iqtisad ministrı Nihat Zäybäkcineň Awrupa Berlege belän Törkiyä arasındağı Tamğaxanä Berlege kileşüeneň yaňartıluınnan soň bu bazarğa êksportnıň 49%tan 60%qa citäçäge turında äytüen belderä.

 Gazet yazuınça, Zäybäkci bıyıl yäisä 2018 nçe yılnıň berençe yartıyıllığına qadär Törkiyä belän Awrupa Berlege arasındağı Tamğaxanä Berlege kileşüeneň awıl xucalığı, azıq-tölek, xezmät ,däwlätkä êşkä alu häm êlektron säwdäne dä üz êçenä alaçaq räweştä kiňäyteläçägen häm yaňartılaçağın citkerde.

“Vatan” gazetı” Rusiya turistları bıyıl Törkiyägä irtä kiläçäk” isemle xäbärendä Törkiyägä nigezdä iyün’,iyül’,avgust aylarında küpläp kilgän Rusiya turistlarınıň bıyıl irtä kiläçägen uquçıları belän urtaqlaşa.

2014-2015 nçe yıllar sezonında Törkiyägä 4 million yarım turist kilde. Bıyıl turistlar aprel’ ayında Törkiyägä kilä başlayaçaq. May ayında da bäyrämnär bulğan öçen aldan urın ayırıp quyuda citdi räweştä artış bulaçağı kötelä.