Törek matbuğatına küzätü 10.02.2017

“Xäbär türk” gazetı “Dus utı” isemle xäbärendä Ğomüm ştab räislegeneñ “Färat qalqanı” operaśiyase töbägendä pänceşämbe könne irtänge 08:40ta Rusiyägä bäyle xärbi oçqıçnıñ “DEAŞ” terror oyışmasına hawadan höcüm oyıştırğanda törek ğaskäriläre bulğan binağa yalğış räweştä ut açuın açıqlawın” yaza.

Xäbärgä kürä Äl Babta törek berlege bulğan binağa töşkän bombalar näticäsendä 3 ğaskäri şähit buldı, 11 ğaskäri yaralandı. Waqiğadan soñ Rusiyä däwlät başlığı Vladimir Putin Törkiyä ilbaşı Ärdoğanğa şaltıratıp, borçuların citkerde häm qayğıların urtaqlaştı.

Gazet yazuınça söyläşüdä Süriyä mäs’äläse dä qaraldı.

“Yäni Şafak” gazetı “Rakkadan alda imin töbäk” isemle xäbärendä Süriyäneñ Rakka şähäre öçen operaśiyadä üzeneken itkän Amerika Quşma Ştatlarına Törkiyäneñ üz xäräkät planı belän cawap birüen yaza.

Xäbärdän kürengänçä yasalğan täqdimneñ näticä birmäyäçägen beldergän Änkara başta PKK terror oyışmasınıñ Süriyädäge törkeme PYDne çitläşteräçäk räweştä imin töbäkneñ barlıqqa kiterelüen teli.

Gazet yazuınça “DEAŞ” terror oyışmasın beteräçäk qatışu rejim belän bäreleşne kiterep çığara alaçaq kön’yaq liniyasennän tügel, ä turıdan Tel Abyad aşa başqarılunı küzdä tota. Plan Törkiyäneñ tozaqqa töşerelüen buldırılmawnı maqsat itä.

“Sabah” gazetı “CİA başlığı belän Rakka planı qaraldı” isemle yazmasında Amerikan üzäk küzläw oyışması CİAneñ yaña başlığı Mayk Pompeo berençe çit ilgä säfären Törkiyägä çınğa aşıruın citkerä.

Xäbärgä kürä Törkiyä ilbaşı Räcäp Tayyip Ärdoğan AQŞ däwlät başlığı Donal’d Tramp belän ütkärgän telefon söyläşüendä Süriyäneñ Rakka şähäreneñ “DEAŞ” terror oyışmasınnan arındırıluı öçen Törkiyäneñ tögäl planın täqdim itkän ide.

Gazet yazuınça Pompeo säfärendä bu “tögäl plan” qaraldı, PKK/PYD/YPG terror oyışmasına kürsätelgän xuplawdan toyılğan tınıçsızlıq ta citkerelde.

Xäbärdä FETÖ atamanı Fätullah Gülänneñ 15nçe iyul’ könge tüntäreleş kereşüeneñ cawaplısı buluın kürsätüçe dokumentlar da qaralıp, Törkiyägä tapşırıluı zarurlığı assızıqlandı.

“Xörriyät” gazetı “Ğalämneñ 50 yıllıq seren tapqan törek” isemle yazmasında AQŞtağı Harvard universitetı uqıtuçı-ğalime törek astrofizik Doś. Dr. Bülänt Kızıltannıñ belem dönyası 50 yıl buyı bäxäsläşkän urta massalı berençe qara tişekne tabuın uquçıalrı belän urtaqlaşa.

Gazet yazuınça Kızıltan 2 meñ 200 qoyaş massasına iyä berençe qara tişekne isbatlap, isemen belem dönyasına yazdırdı.

Xäbärdä qara tikeşlärneñ bügenge köngä qadär keçkenä häm zur massalı bulğannarı küzätelgän häm isbatlanğan ide.