Törek matbuğatına küzätü 09.02.2017

“Star” gazetı “Premyer-ministr Binali Yıldırım AQŞ viśe-prezidentı belän küreşäçäk” isemle xäbärendä Törkiyä-AQŞ arasında dialog barışınıñ tizlek qazanuın yaza.

Gazet yazuınça Amerika Quşma Ştatları Törkiyä belän ike yaqlı mönäsäbätlärne üsterergä häm regional’ mäs’älälärdä tağın da yaqın xezmättäşlek êçendä bulırğa teli.

Xäbärgä kürä aldağı könne Törkiyä ilbaşı belän AQŞ däwlät başlığı Donal’d Tramp ütkärgän telefon söyläşüennän soñ bu tapqır da premyer-ministr Binali Yıldırım AQŞ viśe-prezidentı Maykl Pens belän telefonnan küreşäçäk.

Xäbärdä pänceşämbe kiçen uzaçaq söyläşüdä ike yaqlı mönäsäbätlar häm regional’ problemalar qaraluınıñ kötelüe urın ala.

“Xäbär türk” gazetı “Dönya bankınnan TANAPka 400 million dollar” isemle yazmasında Azärbaycan tabiği gazın Törkiyä aşa Awrupağa küçerüe planlanğan ütkärgeç proyektı TANAP öçen Dönya bankı belän 400 million dolarlık kredit kileşüeneñ imzalanuın citkerä.

Xäbärdän kürengänçä imza tantanasında açıqlawlar yasağan Törkiyäneñ ênergetika häm tabiği çığanaqlar ministrı Bärat Albayrak TANAPnıñ kiläse yılnı açılışın yasayaçaqların äytte.

Gazet yazuınça ministr Albayrak ênergetikada barı tik Dönya bankı ğına tügel, ä xalıqara banklar belän çınğa aşırğan 3 milliard dolarlık finans paketın da bıyıl tämamlawnı maqsat itülären assızıqladı.

“Watan” gazetı “Törek qorallı köçläre Äl Babka kerde” isemle xäbärendä Süriyä tönyağınıñ terror êlementlarınnan çistartıluı öçen 24nçe avgust könne Törkiyä citäkçelegendä başlatılğan Färat qalqanı operaśiyase qısalarında Törek qorallı köçläreneñ Äl Bab üzägenä kerüen yaza.

Xäbärgä kürä Äl Bab tirä-yağındağı kritik qalqulıqlarnı da qulğa töşergän köçlär Äl Babta “DEAŞ” terror oyışmasına soñğı höcümne oyıştırırğa cıyına.

Xäbärdän kürengänçä dekabr’ ayı urtasında başlanğan Äl Bab operaśiyasendä Törek qorallı köçläre oçraşqan iñ zur qıyınlıq “DEAŞ” terror oyışmasınıñ tınıç xalıqnı canlı qalqan itep qullanuı buldı.

Gazet yazuınça suğıştan alda räsmi mäğlümatlarğa kürä 64 meñ xalıq sanı bulğan Babta xäzerge waqıtta un meñnärçä keşe yäşi. Töbäktän alınğan mäğlümatqa kürä terrorçılarnıñ ştabların tınıç xalıq yäşägän mäxällälärdä qoruı öyränelgän ide. Şunıñ öçen Törek qorallı köçläre ilçä üzägenä tiz kerü urınına terrorçılarnıñ qarşılıq kürsätüen beterü öçen Babnıñ tirä-yağın qamaw yulın saylağan ide.

“Yäni Şafak” gazetı “Çiratta Rakka bar” isemle yazmasında Äl Babta “DEAŞ” terror oyışmasına strategik höcüm yasağan Törek qorallı köçläreneñ çirattağı maqsatınıñ Rakka buluın citkerä.

Xäbärdän kürengänçä tışqı êşlär ministrı Mäwlüt Çavuşoğlu Rakka operaśiyaseneñ PKKnıñ Süriyädäge törkeme PYD belän ber rättän terror oyışmaları belän tügel, ä döres keşelär belän bergä başqarıluı zarurlığın äytte.

Gazet yazuınça Amerika Quşma Ştatları belän ber rättän PYD terror oyışmasın xuplawçı illärne dä iskärtkän Çavuşoğlu: “Alarğa ışanırğa yaramıy. Yuğisä Süriyäneñ kiläçäge öçen bik citdi xata bulır,” – dide.

Xäbärgä kürä mäs’äläneñ Törkiyägä säfär yasayaçaq CİA başlığı belän qabat qaraluı kötelä.