Törek matbuğatına küzätü 03.02.2017
3nçe fevral’ könne basılıp çıqqan qayber törek gazetlarına küzätü
“Xörriyät” gazetı “Şuşı ike süz hawanı kiyerenke qıldı” isemle yazmasında İlbaşı Räcäp Tayyip Ärdoğannıñ, atnakiçen Änkarada küreşep söyläşkän Germaniya Kanślerı Angela Merkelneñ urtaq matbuğat oçraşuı waqıtında qullanğan “İslamist terror” bilgeläwenä reakśiya kürsätep: “Bu äytem bez möselmannarnı borçıy, mondıy äytem qullanıla alınmas. İslam belän terrorçılıq bergä bula almıy. İslamnın süz mäğnäse tınıçlıq”, - dip äytüen citkerä.
“Xäbär törek” gazetı “Yıldırımnan Trampqa, Merkelgä häm Çiprasqa öç yullama: tüntäreleşçelärne biregez, PYD belän êş totmağız” dip atalğan yazmasında Premyer-ministr Binali Yıldırımnıñ media wäkilläre belän ütkärgän söyläşüdä könüzäk mäs’älälärgä qağılışlı möhim açıqlawlar yasawın yaza:
“Prem’er-ministr Yıldırım, Greśiyağa qaçqan 8 tüntäreleşçe xärbineñ Törkiyägä qaytarılmawı qararı belän bäyle bularaq Greśiya premyer-ministrı Aleksis Çiprasqa xat cibärüen belderep: "Bu qararnıñ tağın ber qat xoquq êçendä küzdän kiçerelüen häm bolarnıñ qaytarıluı yünäleşendä näticä kötüebezne citkerdem”, - dip äytte. Premyer-ministr Yıldırım Germaniya Kanślerı Angela Merkelgä dä: “Separatistlarnı qanäğät itkän çaqta, Germaniyadağı 3 million yarım törek saylawçısın iğtibarsız qaldırmağız”, - dip äytte. Premyer-ministr Amerika Quşma Ştatlarınıñ yaña ilbaşı Donal’d Tramptan da 3 kötkännäreneñ buluın şuşı räweşle citkerde: 15nçe iyül’ cirängeç tüntäreleş kereşüeneñ başı qaytarılırğa tiyeş, PYD terror oyışması belän êş başqarudan waz kiçärgä, Törkiyädä AQŞ abaylanuınıñ tözätelüe öçen yaña citäkçelek qayber adımnar yasarğa tiyeş"”
“Sabah” gazetı “Çit il investorı “cälep itüçänlek”kä birelde” isemle yazmasında xökümätneñ 23 vilayätne üz êçenä alğan Cälep itüçe üzäklär programmasınıñ êş dönyasında dulqınlanu tudıruın belderä:
“Bu töbäklärgä 195e çit il buluı belän bergä 7 köndä ber meñ 200 kapital salu möräcäğäte yasaldı. Çit il investorları arasında üzäkläre İranda urnaşqan firmalar kübräk. Annan soñ Germaniya häm Franśiya şirkätläre kilä.”
“Vatan” gazetı “Kürşeñ belän kil” dip atalğan yazmasında İlbaşı sarayında turizm tarmağı wäkillären qabul itüe waqıtında çığış yasawçı İlbaşı Ärdoğannıñ çit ildä yäşäwçe 5 million törek watandaşın kürşeläre belän bergä Törkiyädä kim digändä 1 atna yal itärgä çaqıruın yaza:
“"Tuy watanda bulır”, - dip äytüçe Ärdoğan gorbätçelärneñ ber yılda 50 meñgä citkän tuyların da ildä ütkärüen teläde. 50 meñ xalıqara şirkätneñ Törkiyädäge häm çit illärdäge xezmätkärläreneñ dä yalların ildä ütkärergä çaqıruçı Ärdoğan berençe êtapta turist sanın 8 millionğa arttırunı maqsat itülären belderde.”
“Yäni Şafak” gazetı “Törkiyäneñ nefte turizm” isemle yazmasında Bötendönya turizm forumı başlığı Bulut Bağcınıñ, Törkiyäneñ turizmda 2018nçe yıldan başlap tağın da yuğarı noqtalarğa citäçägen belderep: “Ğaräp qultığında neft’, Rusiyädä tabiği gaz bik möhim bulsa, Törkiyäneñ nefte isä turizm”, - dip äytüen belderä:
“16nçı-18nçe fevral’ könnärendä İstanbulda oyıştırılaçaq Bötendönya turizm forumı belän bäyle bularaq ta Bağcı bu forumnı dönya turizmınıñ Davosı itep bäyälänä alınaçağın äytte.”
