Törek matbuğatına küzätü

“Star” gazetı “Qulında qoral-bomba buluçılar belän dollar buluçılarnıñ maqsatı ber ük” isemle xäbärendä Törkiyä ilbaşı Räcäp Tayyip Ärdoğannıñ bazarda küzätelgän xäräkätneñ Törkiyägä qarata höcüm buluın äytüen yaza.

Xäbärgä kürä Ärdoğan İlbaşı idaräse kölliyätendä muxtarlarnı qabul itü çarasında yasağan çığışında: “Qulında qoralı, bombası bulğan terrorçılar belän qulında dolları, yevrosı, prośentı bulğan terrorçı arasında maqsat cähatennän bernindi ayırma yuq. Maqsat – Törkiyäne buysındıru, anı alu, Törkiyäne maqsatalrınnan yıraqlaştıru,” – dide.

“Xäbär türk” gazetı “3 bülmä, 1 watandaşlıq” isemle yazmasında Törkiyädä küçmäs milek satıp alğan çit il keşelärenä Törkiyä grajdaninı xoquqınıñ birelüen täêmin itüçe qağidälär cıyılmasınıñ açıqlanuın citkerä.

Xäbärdän kürengänçä 2 million dollarlık investisiya kertüçe, 1 million dollarlık öy satıp aluçı, 100 keşene êş belän täêmin itüçe, bankka 3 million dollar saluçılar Törkiyä watandaşı bula alaçaq.

Gazet yazuınça bu şartlarnı cirenä citkergän keşeneñ xäläl cefete, balaları häm ğailäse dä watandaş bula alaçaq. Saylawda da tawış birä alaçaqlar.

“Yäni Şafak” gazetı “Rusiyä belän hawada kileşü” isemle xäbärendä Törkiyä belän Rusiyä arasında Süriyädäge operaśiyalärdä oçış iminlegeneñ urnaştırıluı häm telänmägän waqiğalarnıñ buldırılmawı öçen Mäskäwdä kileşü berketmäseneñ imzalanuın yaza.

“Xörriyät” gazetı “9nçı tapqır köç sınaşalar” isemle xäbärendä Törkiyä teleradiokompaniyase TRT tarafınnan 9nçı tapqır oyıştırılğan TRT Dokumental’ fil’m büläklärenä möräcäğatlärneñ başlanuın citkerä.

Xäbärgä kürä möräcäğatlär 3nçe fevral’ könenä qadär däwam itäçäk. Finalğa qalaçaq fil’mnar 27nçe fevral’dä açıqlanaçaq.

Gazet yazuınça finalğa qalğan fil’mnar 11-14nçe may könnärendä xalıqqa tüläwsez kürsäteläçäk. 15nçe may könne oyıştırılaçaq tantanada ciñüçelärgä büläklär tapşırılaçaq. Bäygedä qatnaşırğa teläwçelär centekle mäğlümatnı www.trtbelgesel.com internet säxifäsennän ala ala.