Törek matbuğatına küzätü 28.10.2016

28nçe üktäbr’ könne basılıp çıqqan qayber törek gazetlarına küzätü

Törek matbuğatına küzätü 28.10.2016

“Yäni Şafak” gazetı “İkençe Kandilgä röxsät birmäyäçäkbez” isemle yazmasında İlbaşı Räcäp Tayyip Ärdoğannıñ / “PKK” terror oyışmasına häm anıñ belän bäyläneşle oyışmalağa häm keşelärgä qarşı ildä häm çit ildä tağın da qatği köräş alıp baruların äytüen citkerä.

Gazet yazuınça, Ärdoğan, “PKK”nıñ Ğiraqnıñ tön’yağında Sincarda yaña ber Kandil qorırğa teläwen belderep, moña hiç tä röxsät birmäyäçäklärenä basım yasadı. Ärdoğan: "“DEAŞ” Cärablus, Rai häm Dabık kebek Äl Babtan ta kitäçäk. Annan soñ Münbiçkä häm Rakkağa yünäläçäkbez. Monı AQŞ İlbaşı Obama belän dä urtaqlaştım”, - dip äytte.

Sabah” gazetı “Törek milläte 15nçe iyül’dä iqtisadnı da qotqardı” dip atalğan yazmasında Premyer-ministr Binali Yıldırımnıñ / İstanbulda oyıştırılğan Kapital salu kiñäşmä şurasınıñ 9nçı cıyılışında aqça äyläneşläre 666 milliard dollarğa citkän dönyaküläm şirkätlärenä 15nçe iyül’ne añlatuın yaza.

Yazmada bolay diyelä: “Yıldırım: "Ul könne barı tik tüntäreleş bastırılmadı. Ul könne ber ük waqıtta törek milläte iqtisadnı da ışanıç astına aldı. Törkiyä iqtisadında tüntäreleştän soñğı kürsätkeçlärdäge üzgäreş bik çikläwle qaldı. Üzäk bank xätta bazarlarğa qatışu ixtıyacın kürmäde”, - dip äytte. Premyer-ministr informatika, ximiya, logistika häm moña oxşaş 7 tarmaqqa da söyeneç birde, bu sektorlarğa östenlekle yaqlaw kürsäteläçägen häm maxsus täşviq, qızıqsındıru çarasınıñ ğamäldä bulaçağın belderde.

Habärtürk” gazetı “Qayber illärdä urın êzlänüe bar” isemle yazmasında “Fätullahçı” (FETÖ/PDY) terror oyışması/parallel däwlät qorılışı atamanı Fätullah Gülänneñ qaytarıluı mäs’äläsendä Amerika Quşma Ştatlarında oçraşular ütkärüçe Törkiyä ğadälät ministrı Bäkir Bozdağnıñ Waşingtonda uzdırğan söyläşüläre belän bäyle bularaq şäxsi televideniye kanalına yasağan açıqlawların citkerä:

Gülänneñ başqa ber ilgä qaçıp kitü êzlänüendä buluına qağılışlı bularaq qullarında köçle küzläw mäğlümatläreneñ buluın assızıqlawçı Bozdağ: "Kanada, Belgiya, Norvegiya, Braziliya kebek qayber illärdä üzenä urın êzli. Qayberäwläre belän bäyle qaytarılu kileşüe yuq. Qaçu öçen urın êzlänüendä bertörkem il citäkçelekläre belän dä êlemtägä kerü ixtimalları köçle. Gülänneñ irekle säyäxät itüen qabul itä almıybız”, - dip äytte”.

Star” gazetı “İslami finans ölkäsendä Törkiyädä berençe ğamäl” isemle yazmasında İstanbul Sabahattin Zaim universitetınıñ İSEFAM Xalıqara İslam iqtisadı häm finansı ğamäli häm tikşerenü üzäge binasın bügen tantanalı räweştä açuın xäbär itä.

Gazet yazuınça, tözeleşen “Quveyt Törek” häm “Albaraka Törek” bankları üz östenä alğan İSEFAM - İslami finans ölkäsendä avangard, başlap cibärüçe êşçänlek başqarunı maqsat itä. İSEFAM – Törkiyädä İslam iqtisadı häm finansı ölkäsendä universitet däräcäsendä tözelgän berençe tikşerenü üzençälegenä iyä.

Xörriyät” gazetı “Törek fil’mnarı Frankfurt yulçısı” dip atalğan yazmasında Germaniyada oyıştırılğan Frankfurt törek fil’mnarı festivaleneñ 30nçı üktäbr’dä başlawın xäbär itä.

Gazettağı mäğlümatkä kürä, 16nçısı oyıştırılğan häm 5nçe noyabr’gä xätle däwam itäçäk festival’neñ açılışında baş rol’lären Ozan Güvän häm Mär’yäm Uzärli uynağan “Äniyemneñ yarası” fil’mı kürsäteläçäk. Güngör Bayrak häm Murat Soydanğa däräcä büläkläre tapşırılaçaq açılış kiçäsendä uzğan yılda fani dönyadan kitep barğan Zäki Alasya öçen “Onıtılmağannar” bülegendä iskä alu cıyını ütkäreläçäk. Festival’dä 50dän kübräk törek fil’mı kürsäteläçäk.



Bäyläneşle xäbärlär