Törek matbuğatına küzätü

“Yäni Şafak” gazetı “14 ildän yuğarı däracäle citäkçe investisiya öçen kilä” isemle xäbärendä Törkiyäneñ premyer-ministr urınbasarı Nurettin Caniklineñ 9nçı İnvestiśiya yärdämläşü şurası cıyılışlarınıñ premyer-ministr Binali Yıldırım räislegendä kiläse atnada İstanbulda oyıştırılaçağın äytüen yaza.

Xäbärgä kürä Canikli: “Cıyılışlarda 14 ildän şura äğzaläre qatnaşaçaq,” – dide. Törkiyädä investiśiya şartlarınıñ yaxşırtıluı, çit il investorlarınıñ kilüen täêmin itü öçen cıyılışnı uzdıruların añlatqan Canikli qunaq yuğarı däräcäle citäkçelärneñ investisiya qararın birgändä qaysı üzençälek häm şartlar êzläwlären, närsälärgä iğtibar itülären tıñlaw forsatın tabaçaqların citkerde.

“Xäbär türk” gazetı “Cirle künegü oçqıçı Hürkuşnıñ keşesez versiyase kilä” isemle xäbärendä cirle künegü oçqıçı Hürküşnıñ yuğarı taşu sıydırışlılığınnan faydalanıp, keşesez versiyaseneñ yasalaçağın citkerä.

Xäbärdän kürengänçä Törkiyäneñ Aviaśiya häm ğaläm sänägäte anonim şirkäte TUSAŞ citeşterep, yasağan cirle künegü oçqıçı Hürkuşnıñ Xärbi bulmağan aviaśiya ğomüm mödirlegennän alğan sertifikat Awrupa Aviaśiya iminlege agentlığı tarafınnan raslandı.

Gazet yazuınça Törek qorallı köçläre Hürkuşnıñ keşesez versiyase öçen dä êşçänleklärneñ başlatıluın soradı. Bu qısada TUSAŞ/TAİneñ original’ keşesez oçqıçı ANKA häm Hürkuş proyektlarınnan täêmin itelgän mäğlümat berekmäsennän tış yaña uñış êşläp çığarılaçaq.

“Watan” gazetı “Dönyanın berençe qoyaş ênergiyase qırın qorabız” isemle xäbärendä Törkiyäneñ Ênergetika häm tabiği çığanaqlar ministrı Bärat Albayraknıñ Konyanıñ Karapınar ilçäsendä yasalaçaq Qoyaş ênergiya stanśiyase proyektın añlatuın uquçıları belän urtaqlaşa.

Xäbärgä kürä proyekt qısalarında 1 million dollar investiśiya belän säğatenä 17 million kilovat êlektr citeştereläçäk. Qoyaş ênergiya stanśiyase yärdämendä 600 meñ toraqqa êlektr täêmin iteläçäk.

Xäbärdän kürengänçä ministr Albayrak qorılaçaq qoyaş ênergiya stanśiyase belän bäyle bularaq: “Bu proyekt belän êçke bazarda ğına tügel, ä töbäktäge barlıq qoyaş ênergiyase taläplaren qanäğatländerüçe il bulaçaqbız,” dide.

Gazet yazuınça Konyanıñ Karapınar ilçäse dönyadağı fotoêlektrik mäs’äläsendä iñ zur qoyaş qırlarınnan berse bulıp tora.

“Xörriyät” gazetı “İslamofobiya ağulıdır, ciñärgä kiräk” isemle yazmasında AQŞta ilbaşı saylawın da täêsirläwçe häm soñğı ber yılda küp bäxäsläşelgän İslamofobiya mäs’äläsendä Vaşingtonda aldınğı töşençä oyışmalarınnan Atlantik Şurasında ber panel’nıñ oyıştırıluın citkerä.

Xäbärgä kürä İstanbuldağı Sabancı İnstitutınıñ xörmätle äğzase Vuslat Doğan Sabancı İslamofobiyaneñ könbatışqa qarşı anti sempatiyane tudıruın, monıñ da İslamofobiyane üsterüen citkerep: “İslamofobiya ağulıdır. Anı ciñüebez zarur,” – dide.

Gazet yazuınça Sabancı İslamofobiyane mädäni rasaçılıq itep tä taswirladı.