Törek matbuğatına küzätü

“Watan” gazetı “Alar qaçaçaq, bez totarbız” isemle xäbärendä Törkiyä ilbaşı Räcäp Tayyip Ärdoğannıñ 20nçe avgust şimbä könne tuy mäclesenä oyıştırılğan bombalı höcümdä yaqtı dönyadan kitüçelärneñ tuğannarınıñ qayğıları belän urtaqlaşu öçen, yaralanuçılarğa da şifalar telär öçen Gaziantäp şähärenä baruın yaza.

Xäbärgä kürä Ärdoğan 15nçe iyul’ Demokratiya mäydanında “Berlek, berdämlek häm qardäşlek mitingı”nda da qatnaşıp, watandaşlarğa möräcäğat itte. Törkiyä ilbaşı barlıq terror oyışmaların tamırınnan yuqqa çığaraçaqların äytep: “Terrorçılar äle kiçä genä çik buyında urnaşqan Karkamış şähärçegen tınıçsız itä ide. Xäzer bez totarbız, alar qaçaçaq,” – dide.

“Xörriyät” gazetı “Tüntäreleştän soñ Awrupa Berlege yalğış yasadı” isemle yazmasında Fätullahçı terror oyışması/parallel’ däwlät qorılışınıñ 15nçe iyul’ könge tüntäreleş kereşüennän soñ Törkiyäne xuplamağan Awrupadan ber-ber artlı “Xata yasadıq” yullamalarınıñ yasaluın citkerä.

Gazet yazuınça êlekke Şveśiya tışqı êşläre ministrı Carl Bildt Awrupa Berlegeneñ 15nçe iyul’ könennän soñğı totışın tänqitläp: “Awrupa Berlege xata yasadı,” – dide. Bildt bu atnada Awrupanıñ aldınğı töşençä oyışması “European Council on Foreign Relations”tan ber wakillek belän Änkarağa säfär yasayaçaq.

Xäbärdän kürengänçä Awrupa frontındağı Törkiyägä qağılışlı atmosferanı bäyälägän wäkillek başlığı Bild tüntäreleş kereşüe arqasında köz ayları öçen planlanğan säfärne alğa küçerülären añlatqanda Awrupa Berlegeneñ yuğarı däräcäle citäkçelären 15nçe iyul’ könne Törkiyä parlamentına şunduq xuplaw säfären çınğa aşırmawların tänqitlägän.

Xäbärgä kürä Bildt Awrupa Berlege belän zäğiflägän dialognıñ cayğa salınuı öçen kiräkle êşçänleklärneñ başqarılaçağın citkergän.

“Star” gazetı “Rusiyägä ciläk-cimeş häm yäşelçä êksportı qabat başlana” isemle yazmasında Törkiyäneñ Azıq-tölek, igençelek häm terlekçelek ministrı Faruk Çälikneñ Rusiyä Federaśiyase belän Törkiyä arasındağı säwdä mönäsäbätlärendä yaña uñay çornıñ başlanuın belderep, bu ilgä qısqa waqıtta tığız räweştä igençelek êşlänmäläre êksportınıñ başlanacağın äytüen uquçıları belän urtaqlaşa.

Xäbärgä kürä ministr Çälik tübändägeçä citkerde: “Alda ayıruça śitrus çorına kergän berniçä ay êçendä igençelek belän bäyle êksportıbız, potenśialıbız, ike ilneñ potenśialı qabat zur tizlek alaçaq”.

“Xäbär türk” gazetı “Çarter belän 700 meñ turist” isemle xäbärendä Rusiyä Federaśiyase premyer-ministrı Dmitriy Medvedevnıñ Törkiyägä qarağan çarter oçışlarına röxsät birüçe qararnamäne imzalawın yaza.

Xäbärgä kürä turizmçılar bu xäbärgä bik söyengän. Sezon azağına qadär 700 meñ Rusiyä turistınıñ kilüe kötelä.

Gazet yazuınça Rusiyä Törek qorallı köçläre 24nçe noyabr’ könne SU-24 törendäge Rusiyä xärbi oçqıçın bärep töşerüennän soñ Törkiyägä çarter oçışların tıyğan ide. Törkiyä ilbaşı belän Putin 9nçı avgust könne ütkärgän söyläşüdä älege säfärlärneñ qabat başlatıluına qarağan kileşü tözelde.