Törek matbuğatına küzätü 18.07.2016
18nçe iyül’ könne basılıp çıqqan qayber törek gazetlarına küzätü
“HABÄR TÜRK” gazetı: "Mäydannardan ayırılmağız"
Gazet İlbaşı Räcäp Tayyip Ärdoğannıñ 15nçe iyül’ kiçendä yäşängän tüntäreleş kereşüe waqıtında häläq bulğan İlbaşı idaräseneñ baş kiñäşçese Mustafa Varanknıñ abıysı professor doktor İlhan Varanknıñ häm kiçergän yöräk öyänäge näticäsendä wafat bulğan êlekke xalıq ışanıçlısı professor doktor Nävzat Yalçıntaşnıñ cenaza cıyınında qatnaşuın xäbär itä:
“Ärdoğan cenaza namazınnan soñ yasağan çığışında: "“Fätullahçı” terror oyışması yasağan adımnıñ bärabärlegen millät iradäse belän taptı. İñ güzäl cawapnı minem ğaziz millätem birde”, - dip äytte.
“YÄNİ ŞAFAK” gazetı: "Demokratiya näwbäte"
Törkiyäneñ 81 vilayätendä watandaşlar “Fätullahçı” terror oyışması /parallel däwlät qorılışı (FETÖ/PYD) äğzase bertörkem ğäskäri tarafınnan yasalğan tüntäreleş kereşüenä qarşı "demokratiya näwbäten totarğa däwam itte. İlbaşı Ärdoğannıñ "mäydannarğa kilegez çaqıruın ütäwçe watandaşlar mäydannarda tañnı qarşıladı.
“VATAN” gazetı: "Tiz räweştä çistartu xäräkäte ütkäreläçäk”
Premyer-ministr Binali Yıldırım 15nçe iyül’ kiçendä xärbi tüntäreleş kereşüendä maqsat bulğan TRT teleradiokompaniyäsenä kilde. Premyer-ministr urınbasarı Numan Kurtulmuş belän bergä TRT xezmätkärlärenä teläklären citkerüçe Premyer-ministr Yıldırım TRT studioların qaradı. Premyer-ministr Yıldırım, xärbi tüntäreleş kereşüen yasawçılarnıñ ciñelüen belderep: “Fäqät êşebez betmäde. Monnan soñ çistartu xäräkäten tiz räweştä ütkäräçäkbez”, - dip äytte.
“STAR” gazetı: "Xainnär xisabın biräçäk"
Tüntäreleş kereşüe belän bäyle belderü yasawçı Ğomum ştab citäkçelege, xainnarnıñ täêsirsez xälgä kiterelüen assızıqlap, kereşüneñ totqarlanuında iñ zur rolneñ törek milläteneñ buluın belderde. Belderüdä illegal qorılış äğzase tüntäreleşçelärneñ xoquq sisteması êçendä xaq itkän iñ awır räweştä xökemgä tartılaçağın äytelde.
“SABAH” gazetı: "Bu cır Törkiyädä ğomere özelgännärgä”
Tüntäreleş kereşüenä xalıqara arenada sänğätçelär dä tawışsız qalmadı. Amerika Quşma Ştatlarınıñ tanılğan yoldızı Beyonce Amsterdamdağı konśertında "Halo " cırın başlar aldınnan bu cırnıñ Törkiyädä häläq bulğan härkemgä bağışlawın äytte.
