Törek matbuğatına küzätü 13.06.2016

”Yäni Şafak” gazetı” AQŞta dähşät” isemle xäbärendä 12 nçe iyündä Amerika Quşma Ştatlarında il tarixınıñ iñ qanlı höcüme yasaluın xäbär itä.

Gazet yazuınça, Florida ştatına bäyle Orlando şähärendä tönge klubnı basıp alğan Ömär Mateen isemle terrorçı 50 keşene üterde, 53 keşene yaraladı. Çığışı belän Äfganstannan bulğan 29 yäşlek höcümçe politsiya belän bäreleştä üterelde. Höcümnän elek 911gä şaltıratuçı Mateen “DEAŞ”terror oyışmasına bäyle buluın belderde.  

“Sabah” gazetı “İqtisadta inqilap paketı”isemle xäbärendä Törkiyädä xökümätneñ iqtisadta inqilap tä’sire tudıraçaq yaña yul kartasın bilgeläwen citkerä.

Xäbärdän kürengänçä, älege paketka kürä Törkiyädä toraq satıp aluçı çit il keşesenä başta yäşäw röxsäte annan soñ watandaşlıq bireläçäk. Strategik tarmaqlarda cirle häm çit il ayırması yasalmıyça ministrlar şurası qararı belän keşegä, şirkätkä maxsus energiyädä bäyä garantiyäse,transport, port ,buş cir mäydanı kebek täşwiqlär bireläçäk. İrandağı säwdä kiñäşçese sanı 5kä citkereläçäk häm ike il arasında säwdä külämen 50 milliard dollarğa citkerü maqsat itep quyıla.

“Vatan” gazetı”1 yılda 181 million yulçı” isemle xäbärendä Törkiyädä 2015 nçe yıl azağında xärbi bulmağan aviatsiya tarmağınıñ aqça äyläneşe 23 milliard 400 million dollar ,tarmaqta eş belän tä’min itelgän xezmätkär sanınıñ 191 meñ 716 ğa citüe turında yaza. Xärbi bulmağan aviatsiya ğomum mödirlege xisabına kürä, hawa yulın qullanuçı keşe sanı 10 yılda 200%qa artıp 181 million 400 meñ täşkil itte.

“Xäbär Türk”gazetı “Agentlıqlar ğiraqlılarğa vizanı 10 tapqırğa tizlätte” isemle xäbärendä Törkiyä viza ğamäle kertkän Ğiraqta konsullıqlardağı çirat häm kiçegülärne buldırmaw öçen däwlätneñ vizada säyäxät agentlıqların eşkä kereşterüen xäbär itä.

Moña kürä Ğiraqtan kilgän häm säyäxätlären ber tur agentlığı üz östenä alğan yulçılarğa köttermiçä viza birelä. 

“Xörriyät” gazetı”Afinada Täkbiläk kontsertı” isemle xäbärendä sänğätçe Ömär Faruk Täkbilakneñ Gretsiya başqalası Afinada 2500 keşelek öste açıq mäydanda grek häm ärmän muzıkantlar belän konsert quyuın uquçıları belän urtaqlaşa.

Xäbärdän kürengänçä, 3 säğät däwam itkän kontsertnı tamaşaçılar bik yaratıp qaradı. Täkbiläk konsertta qayber cırlarnı dusları belän törek häm grek tellärendä başqardı.