Törek matbuğatına küzӓtü 07.06.2016
7nçe iyun könne basılıp çıqqan qayber törek gazetlarına küzätü
“Sabah” gazetı “Ӓrdoğan da ozataçaq” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň tanılğan boksçı Möxӓmmӓd Alineň comğa könne oyıştırılaçaq cӓnaza cıyınında qatnaşu qararın aluın yaza.
Xӓbӓrgӓ kürӓ Törkiyӓ ilbaşı çӓrşӓmbe kiç belӓn Amerika Quşma Ştatlarına baraçaq. Ӓrdoğan Möxӓmmӓd Ali belӓn cıyında yasayaçaq çığışında sawbullaşaçaq.
“Yӓni Şafak” gazetı “Afrikada maqsat – 50 milliard dollar” isemle yazmasında Törkiyӓ ilbaşı Rӓcӓp Tayyip Ӓrdoğannıň uzğan atnadağı Afrika sӓfӓrendӓ kritik kileşülӓrneň imzalanuın citkerӓ.
Gazet yazuınça Törkiyӓ ilbaşınıň Afrika sӓfӓrenӓ bӓyӓ birgӓn İqtisad ministrı Nihat Zӓybӓkçi Afrikağa eksportnıň 12 yılda 3 milliardtan 20 milliard dollarğa citüen, maqsatnıň 50 milliard dollar buluın ӓytkӓn.
Xӓbӓrdӓn kürengӓnçӓ Afrikada açılaçaq törek bankları da sӓwdӓdӓ lokomotiv wazifanı başqaraçaq.
“Xörriyӓt” gazetı “Hillary öçen böyek kön” isemle xӓbӓrendӓ AQŞta 8nçe noyabr könne uzaçaq ilbaşı saylawında Demokrat partiya namzӓtlӓre öçen kritik könneň başlanuın yaza.
Xӓbӓrgӓ kürӓ Cömhüriyӓtçe namzӓt Donald Trumptan son bar iğtibar Hillary Clintonğa yünӓlde. Clinton sişӓmbe könne törle ştatlardağı saylawlardan telӓgӓn nӓticӓne alsa, Demokrayik partiya tarixında berençe xatın-qız ilbaşı namzӓte bulaçaq.
“Watan” gazetı “Brexit panikası” isemle yazmasında dönyakülӓm bazarlarnıň AQŞ Üzӓk bankın qaldırıp, Angliyaneň Awrupa Berlege qararına yünӓlüen citkerӓ.
Xӓbӓrgӓ kürӓ Angliyada 23nçe iyun könne ütkӓrelӓçӓk referendumnan alda ilneň Awrupa Berlegennӓn kitüe bularaq belenüçe “Brexit” tarafdarları anketalarda alğa çıqqan.
Xӓbӓrdӓn kürengӓnçӓ pound dollar qarşında soňğı 3 atnanıň iň tübӓn dӓrӓcӓsenӓ töşkӓn.
“Xӓbӓr türk” gazetı “Batqan oçqıçnıň bıyılğı maqsatı – 500 meň turist” isemle xӓbӓrendӓ 600 meň liralıq dönyanıň iň zur batqan oçqıçı Airbus A300neň Kuşadasında diňgez töbenӓ töşerelüen yaza.
Xӓbӓrgӓ kürӓ Kuşadası yaqınça 3 sӓğattӓ batırılğan 58 tonna awırlığındağı oçqıç belӓn bu cӓyne 500 meň turistnı qabul itӓrgӓ cıyına.
Gazet yazuınça suğa çumuçılar oçqıçnı gizӓ alaçaq. Oçqıç batırılğan urınnıň üzençӓlege - Mӓryӓm Ananıň da anda yözgӓn buluı.
