Törek matbuğatına küzätü

 “Yäni Şafak”gazetı “Moxtaclarnı onıtmağız” isemle xäbärendä Törkiyä ilbaşı Räcäp Tayyip Ärdoğannıñ 11 aynıñ soltanı Ramazan ayında cäberlängän ,yärdämgä moxtac keşelärne tağın da kübräk xäterläw kiräklegen belderüe turında yaza.

Gazet yazuınça, Ramazannıñ rıxıy qimmäte yanında cawaplılıqlarnı xäterlätü yağınnan da möhim buluın belderüçe ilbaşı Ärdoğan bu ayda moxtaclarnı söyenderüneñ Ramazannı tulı mäğnäsendä yäşäw buluına basım yasawın citkerä.  

“Vatan”gazetı” Törkiyädäge ärmännärdän Germaniyağa reaktsiya” isemle xäbärendä Törkiyäneñ Kastamonu qalasında yäşäwçe Ärmänstan watandaşlarınıñ Germaniyanıñ 1915 nçe yılğı güya ärmän däğwaların xuplawçı proyektnı qabul itüenä reaktsiya belderüen xäbär itä.

Xäbärdän kürengänçä, ärmänär Germaniyanıñ ädäpsezlek eşläwen,däğwalarnıñ çınbarlıqnı çağıldrmawın belderde. Kastamonuda yäşäwçe ärmännär Ärmänstannıñ Azärbaycan cirlären yawlap aluın da döres dip tapmawların citkerde.

“Sabah”gazetı”Albayrak Törkiyäneñ töbägendä häm dönyada möhim akter buluın belderde” isemle xäbärendä yäş Törkiyä cıyılışında çığış yasawçı Törkiyä energetika häm tabiği çığanaqlar ministrı Bärat Albayraknıñ 21 nçe ğasırda dönyadağı iqtisadi häm säyäsi konyukturanıñ üzgärüen ,monı añlaw kiräklege  turında äytüen citkerä.

Gazet yazuınça, Törkiyäneñ töbägendä häm global qısada möhim rol başqaruın assızıqlawçı Bärat Albayrak ilneñ soñğı 12-13 yılda zur uñışlarğa ireşüenä basım yasadı.

“Star”gazetı “Şähit pilotlar öçen kem ğafu ütenäçäk?” isemle xäbärennän kürengänçä, Rusiya çik buyın bozğan öçen bärep töşerelgän oçqıçı öçen ğafu ütenü belän mönäsäbätlärneñ cayğa salınuın yaqlıy,ämma Törkiyädä “PKK”terror oyışması qulına birelgän Rusiya raketası belän bärep töşerelgän boralaqtağı 2 şähit pilot öçen ğafu ütenü turında bernärsä dä äytmi.

Diplomatiya çığanaqları Hakkari Çukurcada Törkiyä boralağın bärep töşerü häm 2 pilotnıñ şähit buluı turında Rusiyäneñ üz cämäğätçelegenä “Bärep töşerelgän häm oçqıçta ülgän 2 pilotımnıñ üçen aldım”diyüe iğtibarnı cälep itä.

“Xörriyät” gazetı” Meyistidan Kaşqa tınıçlıq häm duslıq qolaçları”isemle xäbärendä  bıyılğı 12 nçe xalıqara Meyisti—Kaş yözü yarşında qatnaşuçı 212 yözüçeneñ Gretsiyäneñ Meyisti utrawınnan Antalyanıñ Kaş ilçäsenä qadär tınıçlıq häm duslıq öçen yözüen uquçıları belän urtaqlaşa. Gazet beldergänçä,yözü yarışında ciñüçelärgä büläklär dä tapşırıldı.