Törek matbuğatına küzätü 18.04.2016

“Star” gazetı” Parlamentta kritik barış başlana” isemle xäbärendä Törkiyä parlamentında qağılğısızlıq dosyaları belän bäyle iñ möhim adımnıñ bu atnada yasalaçağın xäbär itä.

Gazet yazuınça, “Ğadalät häm qalqınu” partiyäseneñ qağılğısızlıq dosyaların xökem çığaru organnarına cibarep ,xalıq ışanıçlıların xökemgä tartu mömkinlege tudıraçaq Töp Qanunnı üzgärtü täqdime bu atnada Törkiyä Böyek Millät Mäclese Töp Qanun komissiyäsendä qaralaçaq. Täqdim tekstına “Ğadälät häm qalqınu” partiyäseneñ 316 xalıq ışanıçlısı qul quyğan.

“Yäni Şafak”gazetı “Cirle tikşerenülär üzägendä soñğı etap” isemle xäbärendä Awrupa atom-töş tikşerenüläre üzägendäge kebek kisäkçeklärne tizlätüçelär belän tikşerenü alıp barılaçaq Törkiyä tizlätüçe üzäge proyektında soñğı etapka kilenüen citkerä.

Xäbärdän kürengänçä,proyekttan cawaplı professor doktor Ömär Yavaş eşçänleklärneñ axırına yaqınlaşuın belderde. Yavaş üzäktä kisäkçek fizikası häm atom-töş fizikası bulu belän bergä bik küp tarmaqta aldınğı texnologiya tikşerenüläre alıp barılaçağın assızıqladı.

“Xäbär Türk”gazetı “AQŞ bu törek xaqında söyläşä” isemle xäbärendä 32 yäşlek törek ğalimäse doktor Canan Dağdevirengä dönyanıñ tanılğan belem üzäklärennän Massaçuset texnologiya institutınnan biredä professor bulıp eşläw täqdime yasaluın uquçıları belän urtaqlaşa.

Täqdimne qabul itkän doktor Canan Dağdeviren ğinwar ayında älege titul belän wazıyfasına kereşäçägen belderde.

“Sabah”gazetı “Ğosmanlı häm cömhüriyät çorı antik äsärlärenä zur iğtibar” isemle xäbärendä Ğosmanlı häm cömhüriyät däwerenä qarawçı siräk äsärlärneñ İstanbulda uzğan auktsionda satıluın xäbär itä.

Gazet beldergänçä,auktsionda borınğı äsärlär belän qızıqsınuçı küp sanda cirle häm çit il keşese qatnaştı. Topkapı sarayı öçen maxsus yasalğan äyberlärgä zur iğtibar kürsätelgän auktsionda qulyazma Qor'än Kärim iñ yuğarı bäyägä,yäğni 180 meñ törek lirasına satıldı.

”Xörriyät” gazetı “İstanbulda tennis yarışı başlana”isemle xäbärendä tuplam 226 meñ 750 dollar bäyäsendäge büläkle TEB BNP Paribas İstanbul xalıqara xatın - qızlar tennis turnirınıñ 18 nçe apreldä başlanacağın xäbär itä. Törek sportçıları da qatnaşaçaq çara 24 nçe apreldä final uyını belän tögällänäçäk.