Törek matbuğatına küzӓtü 15.04.2016

“Xörriyӓt” gazetı “Ӓrdoğannan İslam dönyası öçen 4 tӓqdim” isemle xӓbӓrendӓ Törkiyӓ ilbaşı Rӓcӓp Tayyip Ӓrdoğannıň 13nçe İslam yuğarı dӓrӓcӓle oçraşuında İslam illӓrennӓn kilgӓn liderlarğa tübӓndӓge tӓqdimnӓrne yasawın yaza: İstanbulda urnaşqan politsiya xezmӓttӓşlek hӓm koordinatsiya üzӓgen qoriq, İstanbulda dӓwamlı xatın-qızlar belӓn bӓyle konferentsiya oyıştıriq, afӓtlӓrdӓ İslam illӓre arasında urtaq “Qızılay” qorılışı barlıqqa kiterelsen, İstanbulda urnaşqan global' iqtisadnıň eşçӓnlege öçen arabızda arbitraj sistemasın qoriq.

“Xӓbӓr türk” gazetı “Vatikanğa “DEAŞ” iskӓrtüe” isemle yazmasında xalıqara terrorçı eşçӓnleklӓren açıqlap salu maqsatı belӓn eş başqaruçı törek küzlӓw berӓmleklӓreneň “DEAŞ” terror oyışmasınıň Katolik dönyasınıň üzӓgen maqsat itep alacağı mӓğlümatın öyrӓnüen citkerӓ.

Xӓbӓrgӓ kürӓ Ӓnkara ӓlege mӓğlümatnı Vatikan belӓn urtaqlaştı. “DEAŞ”nıň Germaniya başqalası Berlinda höcüm oyıştırırğa ӓzwerlӓnüe öyrӓnelgӓn.

“Sabah” gazetı “Ğarӓp-törek oçraşuına sanawlı könnӓr qaldı” isemle xӓbӓrendӓ “10nçı İstanbul Küçmӓs milek yӓrminkӓse hӓm ğarӓp-törek oçraşuı”nıň 23-24nçe aprel könnӓrendӓ oyıştırılaçağın yaza.

Xӓbӓrgӓ kürӓ 10 yıldan birle oyıştırılıp kilüçe çarada 52dӓn artıq şirkӓt qatnaşa. Ğarӓp dönyası soňğı waqıtta Törkiyӓdӓ küçmӓs milek satıp ala.

Gazet yazuınça yӓrminkӓ uzğan yılnı 12 meň 478 tarmaq wӓkilen investor hӓm Professionallar belӓn oçraştırğan ide. Çarada Törkiyӓ, ğarӓp geografiyase hӓm dönyadağı küçmӓs milek tarmağına ğomüm qaraş, küçmӓs milektӓge forsatlar hӓm tarmaqnıň kilӓçӓge dӓ qaralaçaq.

“Yӓni Şafak” gazetı “Törkiyӓgӓ ışanıçın investitsiya belӓn kürsӓtte” isemle xӓbӓrendӓ Marmaray proyektında qullanıluçı avtomatizatsiya texnologiyase belӓn Törkiyӓgӓ yӓrdӓm kürsӓtüçe Mitsubishi elektrik şirkӓteneň xӓzer dӓ 176 million liralık investitsiya belӓn Manisada konditsioner hӓm suıtu cihazları eşxanӓsen qoruın yaza.

Xӓbӓrdӓn kürengӓnçӓ Törkiyӓneň ışanıçlı il buluın ӓytkӓn Mitsubishi elektrik şirkӓteneň Törkiyӓdӓge başlığı Masahiro Fujisawa: “Törkiyӓneň geopolitik wazğiyӓte, yӓş xalqı hӓm üseş potentsialı belӓn uňdırışlı il buluına ışanam. Üsüçe Törkiyӓ bilgelӓgӓn yuğarı iqtisadi maqsatlarına ireşüe öçen kirӓkle texnologiya hӓm mӓğlümat qullanunı citkerüne maqsat itӓbez,” – digӓn.

Xӓbӓrgӓ kürӓ Fujisawa Manisadağı eşxanӓ belӓn bergӓ Törkiyӓneň möhim citeşterü urını bulacağın assızıqlağan.

“Star” gazetı AQŞtağı biotexnologiya şirkӓte citӓkçese Osman Kibarnıň iqtisad jurnalı “Forbes”nıň 10nçı may könge nomerınıň berençe bitendӓ urın aluın yaza.

Gazet yazuınça “Bu keşe qartayunı tuqtata alamı?” isemle xӓbӓrdӓ San Diegoda urnaşqan 12 milliard dolarlık biotexnologiya şirkӓte “Samumed”nın qoruçısı hӓm mödire Kibarnıň maqsatınıň qartayunı ӓkrenӓytü buluı belderelgӓn.

Xӓbӓrdӓn kürengӓnçӓ Kibar yӓş bulıp qalunıň ömete bularaq kürsӓtelgӓn.