Törek matbuğatına küzätü 17.03.2016
17 nçe mart könne basılıp çıqqan qayber törek gazetlarına küzätü
“Xörriyät” gazetı “Oyalmıysızmı” digän xäbärendä “Xalıqlarnıñ demokratik” partiyäse xalıq ışanıçlısı Tuğba Häzärneñ Änkarada 17 nçe fevraldä oyıştırılğan häm 29 keşeneñ ülemenä, 61 keşeneñ yaralanuına säbäp bulğan xain höcümne başqaruçınıñ öyenä qayğı urtaqlaşırğa baruına reaktsiyälär däwam itkändä tağın şul uq partiyädän ike xalıq ışanıçlısı Mähmät Ali Aslan belän Bäsimä Koncanıñ da Diyarbakır Surda iminlek köçläre belän bäreleşkän terrorçınıñ Batmandağı cenaza cıyınında qatnaşuların belderä.
Xäbärdän kürengänçä,“Xalıqlarnıñ demokratik” partiyäsennän ike xalıq ışanıçlısınıñ terrorçınıñ cenaza cıyınında terrorğa mädxiyä uquı reaktsiyälärgä säbäp buldı.
“Sabah”gazetı “PYD”nıñ üterüçe törkeme yuqqa çığarıldı”isemle xäbärendä Diyarbakır Surda operatsiyälär tämamlanğannan soñ ütkärelgän eşçänleklärdä “PKK”-YDP”xezmättäşlegen isbatlawçı yaña mäğlümatlar tabıluın xäbär itä.
Gazet beldergänçä,üterelgän 301 terrorçıdan 27seneñ Süriyäneñ tönyağındağı “PYD”nıñ üterü törkeme buluı bilgelände. Terrorçılarnıñ “PKK”lılarğa bomba qullanırğa öyrätüe dä açıqlandı.
“Yäni Şafak”gazetı” Putin Äsädtän waz kiçte” isemle xäbärendä Angliyädä çığuçı “Independent”gazetınıñ könbatışlı diplomatlarğa nigezlänep birgän xäbärendä Rusiya Federatsiyäse däwlät başlığı Vladimir Putinnıñ Süriyä däwlät başlığı Bäşar Äsädtän waz kiçüen belderä.
Rusiyä Süriyädäge xärbi köçeneñ ber öleşen çigenderä başlağannan soñ törle añlatmalar yasala başladı. Könbatışlı diplomatlar Rusiya liderı Putinnıñ Süriyä däwlät başlığı Äsädkä qarata totışın üzgärtüenä ışanuların belderde. Könbatışlı diplomatlar “Putinnıñ Äsädkä daimi bäyle bulmawın añlıybız. Ruslar Äsädneñ totrıqsızlaştıruçı köç buluın belä. Ägär Süriyädä tınıç küçü barışı bulsa Äsäd wazıyfasında qalmayaçaq” dip citkerde.
“Star”gazetı” “Törek mebel satuçıları Qıtayda yärminkädä qatnaşaçaq” isemle xäbärendä Qıtayda uzuçı häm dönyanıñ iñ zur yärminkäse bulıp isäplänüçe xalıqara mebel yärminkäsendä törek mebel yasawçıları häm satuçılarınıñ da qatnaşaçağın xäbär itä.
Gazet beldergänçä, yärminkä 18-21 mart könnärendä ütkäreläçäk.
“Xäbär Türk” gazetı” Qıtaynıñ Amerika Quşma Ştatlarınıñ milli aviatsiya häm ğaläm idaräse NASAnıñ Hubble teleskobı belän çağıştırğanda 300 tapqırğa köçleräk teleskop proyektlawın uquçıları belän urtaqlaşa.
