Törek matbuğatına küzätü 29.09.2014

29nçı sentyabr könne basılıp çıqqan qayber törek gazetlarına küzätü

143127
Törek matbuğatına küzätü 29.09.2014

“Yäni Şafak” gazetı “Törkiyäneň yaňa şiğare” isemle xäbärendä Törkiyä ilbaşı Recep Tayyip Ärdoğannıň İstanbulda Törkiyä Eksportçılar mäcleseneň “Törkiyä markası” isemle tanıtu cıyılışında çığış yasawın yaza.

Gazet Ärdoğannıň: “Bügennän başlap citeşterelgän uňışlar östendä “made in Turkey” urınına logotip häm “Köçne kür” şiğare yazılaçaq,” – digän süzlären citkerä.

“Star” gazetı “İtaliyan Costa” şirkäte İsatnbulnı töp port itep sayladı” isemle xäbärendä dönyanıň iň zur häm iň elekke kruiz säyäxät şirkätlärennän yılda 2 million turist taşuçı “İtaliyan Costa” şirkäteneň İstanbulnı töp port itep saylawın yaza.

Gazet şirkätneň İzrailneň Hayfa şähärennän oyıştırğan turlarnı tuqtatuı, şirkätkä bäyle 4 kruiz köymäseneň Hayfa urınına turların İstanbuldan başlataçağın uquçıları belän urtaqlaşa.

“Milliyät” gazetı “Rusiyä Federatsiyaseneň embargosı citeşterüçene ömetländerde” isemle xäbärendä Rusiyäneň igençelek uňışlarında Awrupa illärenä qarata embargo quyuınıň Antaliyadäge citeşterüçelärne ömetländerüen belderä.

Xäbärdä töbäktä zur külämdä qıyar, pomidor häm granat üsterüçeneň Rusiyädän kilgän taläplärne qanäğatländerer öçen eşkä kereşüe urın ala.

Gazet älege uňışlarnıň Rusiyägä eksportınıň 15nçe üktäbrdän başlap artuınıň kötelüen xäbär itä.

“Sabah” gazetı boralaqqa utırıp, şähärlär östendä yasağan turlardan soň xäterendä qaldırğan küreneşlärne käğazgä sızğan “aqıllı flash disk” bularaq belenüçe ingliz sänğatçe Stephen Wiltshirenıň İstanbul räsemen yasawın yaza.

Gazet 5 köndä 165 meň tiräse keşe kürgän räsemneň İstanbul şähär xaqimiyätenä büläk itep birelüen, İstanbul xalqı kürä alaçaq urınğa quyıluın citkerä.

“Xörriyät” gazetı “UEFAdan Cünäyt Çakırğa wazifa” isemle xäbärendä törek sudyası Cünäyt Çakırnıň Ukrainanıň Shakhtar Donetsk häm Portugaliyaneň Porto taqımnarı arasında uzaçaq UEFA Çempionat ligasınıň H törkemeneň ikençe matçı belän citäkläyäçägen yaza.

Gazet UEFAnıň internet säxifäsennän alınğan mäğlümatqa kürä 30nçı sentyabr sişämbe könne Törkiyä waqıtı belän 21.45tä Ukrainanıň Lvov şähärendä uynalaçaq matçta Çakırnıň yärdämçeläreneň Bahattin Duran häm Tarok Ongunnıň bulaçağın belderä.

 


Etiketlar:

Bäyläneşle xäbärlär