Törek matbuğatına küzätü 27.09.2014
27nçe sentyabr könne basılıp çıqqan qayber törek gazetlarına küzätü.
“Milliyät” gazetı "Ärdoğannan AQŞtan qaytışlıy könüzäk açıqlawlar” isemle yazmasında Törkiyä İlbaşı Räcäp Tayyip Ärdoğannıñ “Ğiraq-Dimäşq İslam däwläte” terror oyışması belän köräşkä qağılışlı bularaq: “Oçışqa tıyılğan töbäkneñ iğlan itelüe häm ışanıç astına alınuı, imin ber töbäkneñ Süriyä yağında buldırıluı, bu barışnı kem belän häm niçek alıp barıluınıñ söyläşelüe” räweşendä 3 başçanıñ möhimlegenä basım yasawın yaza.
“Akşam” gazetı “Humanitar yärdäm ölkäsendä berençe unlıqta” dip atalğan yazmasında Törkiyä premyer-ministr urınbasarı Yalçın Akdoğannıñ Törkiyäneñ humanitar yärdäm mäs’äläsendä soñğı yıllarda zur näticägä ireşüen assızıqlap: “Törkiyä, belüegezçä, iñ zur 10 iqtisad arasında tügel, ämma berençe unlıqqa kergän ölkälärebez bar, bolardan berse – humanitar yärdäm mäs’äläse.”, - dip äytkän süzlären urnaştırğan.
“Sabah” gazetı “Yaqın Könçığışqa häm Afrikağa Törkiyädä eşläp çığarılğan “Sikorsky”” isemle yazmasında fevral ayında ğomum maqsatlı boralaq proyektı öçen Törkiyä belän 3 milliard yarım dollar külämendä kileşügä qul quyğan Amerika Quşma Ştatlarınıñ “Sikorsky Aircraft”nıñ Törkiyädä eşläp çığaraçaq boralaqlarnı Yaqın Könçığışqa häm Afrikağa eksportlarğa äzerlänüen xäbär itä.
“Hürriyät” gazetı ““Sharp”nıñ Awrupa xoquqları monnan arı “Vestel”neke” isemle yazmasında “Sharp” belän litsenziya kileşüen imzalağan “Vestel säwdä”neñ “Sharp” markası litsenziyase belän könküreş texnikasın qamilläşterü, eşläp çığaru häm Awrupada satu belän bazarğa täqdim itü (marketing) xoquqların häm wäqälätlären üz östenä aluın belderä.
