Törek mtabuğatına küzätü 21.09.2014

Gazetlarnıň barısı da ĞDİD terror oyışması tarafınnan urlanğan Törkiyäneň Musuldağı konsullığınıň 3ese Ğiraq watandaşı bulğan 49 personalınıň 101 könnän soň irekkä cibärelüen berençe xäbär itep citkerä. Konsul belän bergä 46 törekneň äsirlektän qotılıp, tuğan yaqlarına qaytuı xäbärenä matbuğat kiň itep urın birde.

“Yäni Şafak” gazetı “200 milliard dollarlık zur ittifaq” isemle xäbärendä Azärbaycanda Könyaq Qavqaz tabiğıy gaz ütkärgeçeneň nigezen salu tantanasınıň oyıştırıluın yaza.

Gazet 45 milliard dollar sarıf iteläçäk Könyaq Qavqaz tabiğıy gaz koridorınıň Şahdeniz 2 proyektı qısalarında citeşterelgän tabiğıy gaznı Törkiyä häm Awrupağa küçeräçägen belderä.

Xäbärdä kileşülärdän kötelgän tabışnıň 200 milliard dollar buluı urın ala.

Xäbärdän kürengänçä tözeleşeneň 2017nçe yılda tämamlanuı planlanğan proyekt belän berençe etapta küçereläçäk 16 milliard m3 lık gaznıň 10 milliardı Awrupağa cibärelgän waqıtta, 6 milliardı isä Törkiyägä bireläçäk.

“Milliyät” gazetı” İSTAKSİ proyektı belän İstanbuldağı taksilarda yaňa çornıň başlanuın uquçıları belän urtaqlaşa.

Gazet monnan soň taksi kötüneň azağına yaqınlaşaçağın, taksi yörtüçelärneň reklama kereme belän östämä tabış tä’min itäçägen citkerä.

Xäbärdä İstanbulda “çaqıru üzäge belän integratsiya proyektı”nıň başlatıluı urın ala.

“Vatan” gazetı “Tadım çikläweklären Germaniyada citeşteräçäk” isemle xäbärendä paketlı çikläwek tarmağınıň 43 yıllıq markası bulğan “Tadım” Törkiyädän soň çit ildäge berençe qorılmasın Germaniyada açuın yaza.

Gazet Tadım azıq-tölekneň Germaniyada 100%lık aktsiyağa iyä bulğan Tadım GmbH şirkäten qorıp, çınğa aşırğan investitsiyaneň 2015nçe yılnıň fevral ayında açılaçağın belderä.

“Xörriyät” gazetı Berläşkän Millätlär Oyışmasınıň Kontrabanda häm cinayät ofisınıň soňğı statistikalarına kürä qırıslıq waqiğaları iň küp barlıqqa kilgän illärdä soňğı 15 yılda cinayät oçraqlarınıň 40%ka azayuın xäbär itä.

Xäbärdän kürengänçä aralarında Törkiyä dä bulğan 88 ildän 67esendä cinayätlär azaydı, läkin 20esendä artış küzätelde. 1993-2012nçe yıllarda cinayät oçraqları 74%ka tübänäygän Törkiyä Tacikstan häm Şri Lankadan soň 3nçe urında.