Törek matbuğatına küzätü 15.09.2014

“Yäni Şafak” gazetı “İlbaşı Ärdoğan uquçılarğa möräcäğat itte” isemle xäbärendä Törkiyä däwlät başlığı Ärdoğannıň 2014-2015nçe uqu yılınıň başlawı uňayınnan yasağan yullamasında töbägendä häm dönyada üz süzen äytä aluçı Törkiyäne tağın da belemle, üzençälekle, köndäşçe, tırış häm härwaqıt mäğlümatlarnı küzätep barunı maqsat itep quyğan üzençälekle keşe köçeneň taşıyaçağın belderüen yaza.

Gazet Ärdoğannıň mäktäp partaları artında utıruçı uquçı häm yäşlärneň kiläçäktä totrıqlı, bäxetle häm xozurlı Törkiyäne wäkillek itäçäklären äytüen citkerä.

“Star” gazetı “Törkiyä 3 xalıqara xärbi künegüdä qatnaşaçaq” isemle xäbärendä Törkiyäneň Paqıstan belän “Maxsus köçlär xärbi künegüläre”, Tönyaq Kipr Törek Cömhüriyäte belän “Maxsus köçlär urtaq xärbi künegüläre”, AQŞ belän “Cooperative Resolve-2014 xärbi künegüläre”n uzdıraçağın belderä.

Xäbärdä “Taktik liderlık programma kursı” qısalarında isä Germaniya, Çexiya Cömhüriyäte, Daniya, Angliya, İspaniya, Şvetsiya, İtaliya häm Törkiyä qatnaşında 15nçe sentyabr-10nçı üktäbr könnärendä İspaniyada da xärbi künegülärneň oyıştırılaçağı urın ala.

“Xörriyät” gazetı “Çorumda 10 tonnalık fosil tabıldı” isemle xäbärendä Sungurlu ilçäsendä 23-27 million yıl elek yäşägän iň zur imezüçe bularaq belenüçe häm awırlığı 10 tonna tiräse buluı çamalanğan 5 metr biyeklegendä zur mögez borın fosileneň tabıluın yaza.

Gazet älege fosilneň çığarıluı öçen Yatma ezläw häm tikşerü ğomüm mödirlege törkemnäre tarafınnan eşçänleklärneň däwam itüen xäbär itä.

“Milliyät” gazetı “Kilogramı 10 million dollar” isemle xäbärendä dönyanıň iň qiybat yuğarı texnologiyale kvantnıň Törkiyädä yasalaçğın yaza.

Gazet kesä telefonınnan yaman şeşne bilgeläw sistemalarına qadär bik kiň ölkädä qullanıluçı “kvant noqtaların”ıň citeşterelüe öçen İzmir Yuğarı Texnologiya İnstitutında eşçänlekneň başlatıluın citkerä.

Xäbärdä laboratoriyaneň yaňa yılğa qadär ber köndä kilogram ülçämendä kvant noqta citeşterüne planlawı urın ala. Eşçänlekneň töp maqsatı – şäxsi tarmaqnıň iğtibarın cälep itü.