Törek matbuğatına küzätü 12.09.2014

“Xörriyät” gazetı” Törkiyä Ğiraq Dimäşq İslam däwläte oyışması beldergesenä qul quymadı” isemle xäbärendä Törkiyäneñ Ciddädä ütkärelgän häm Ğiraq Dimäşq İslam däwläte oyışmasına qarşı köräştä täwäkkälekkä basım yasalğan cıyılış beldergesen imzalamawı turında yaza.

Xäbärdän kürengänçä, Amerika Quşma Ştatları däwlät särqätibe John Kerrynıñ bügen Törkiyägä säfärennän elek küzätelgän älege waqiğa Ğiraq Dimäşq İslam däwlätenä qarşı koalitsiya buldırunı planlaştıruçı illärgä ayaz könne yäşen suqqan kebek tä’sir itte. Törkiyä belän AQŞ häm ğaräp illäre arasındağı bu problemanıñ Kerrynıñ Änkarağa säfäre qısasında çişelüe kötelä.

“Yäni Şafak”gazetı “Üzençälekle cawap” isemle xäbärendä beldergänçä, Törkiyä Ğiraq Dimäşq İslam däwläte oyışması mäs’äläsendä barlıq berlektäşlärenä üzeneñ üzençälekle wäzğiyäten belderäçäk häm älege oyşmağa qarata başlatılaçaq cir öste operatsiyäsendä qatnaşmayaçağın açıq räweştä söyläyäçäk. 49 watandaşınıñ Ğiraq Dimäşq İslam däwläte oyışması qulında totıq buluın citkeräçäk Törkiyäneñ ixtimal cir öste operatsiyäse taläbenä tiskäre cawap biräçäge belderelä.

“Milliyät”gazetı “Şähär rekonstruktsiyäse belän emissiya kimiyäçäk” isemle xäbärendä Törkiyä moxitne saqlaw häm şähär tözeleşe ministrlığınıñ şähär rekonstruktsiyäse eşçänlekläre qısasında 43 million tonna parnik gazı emissiyäsen kimetüne maqsat itep quyuın belderä.

“Sabah”gazetı “Türkan Şorayğa Albaniyadan büläk” isemle xäbärendä bıyıl Albaniyada uzğan 7 nçe Durres film festivalendä däräcäle qunaq bularaq qatnaşqan törek aktrisası Türkan Şoraynıñ “Ğomer buyı uñış” bülägenä layıq bulun uquçıları belän urtaqlaşa.

“Vatan”gazetı” Kiçerelmäs milek yärminkäse” isemle xäbärendä EXPO küçerelmäs mölkät 2014 yärminkäseneñ başlanuın xäbär itä.

Yärminkädä tarmaqnıñ möhim wäkillare qatnaşa , küçerelmäs milek ofisları ,firmalar belän tanışu häm mäğlümat alu mömkinlege tudırıla.