Törek matbuğatına küzätü 08.09.2014
8nçe sentyabr könne basılıp çıqqan qayber törek gazetlarına küzätü
“Yäni Şafak” gazetı “New Yorkta Ğazzä festivale” isemle xäbärendä AQŞnıñ New York şähärendä İzrailneñ Ğazzägä höcümnären häm Fälästinlelär kiçergän qayğı-xäsrätne añlatuçı filmnar urın alğan “Ğazzä film festivaleneñ” oyıştırıluın yaza.
Gazet festivalneñ berençe könendä “Ğazzäneñ küz yäşläre” häm “Oçuçı käğaz” isemle filmnarnıñ kürsätelüen citkerä.
“Yäni Şafak” gazetı “Rasist basımğa tüzä almadı” isemle xäbärendä İtaliyaneñ berençe yawlıqlı cirle xaqimiyät şurasınıñ möselman äğzase çığışı belän Marokkodan bulğan Aicha Mesrarnıñ yanawlar arqasında üz teläge belän wazifasınnan kitüen belderä.
Gazet balalarınıñ iminlege öçen qayğırtuın äytkän Mesrarnıñ 23 yıl buyı yäşägän ildän kitärgä äzerlänüen xäbär itä.
“Star” gazetınıñ iqtisad säxifäsendä “Hawa mäydannarına 8 ayda 110 million yulçı kilde” isemle xäbärendä Däwlät hawa mäydannarı eşxanäse kürsätkeçläre citkerelä.
Xäbärdä kürsätkeçlärgä kürä Törkiyädäge hawa mäydannarınnan avgust ayında xezmät alğan yulçı sanınıñ 19 millionnan, 8 aylıq çordağı yulçı sanınıñ isä 110 millionnan uzuı urın ala.
Gazet oçqıç xäräkäteneñ isä aldağı yılnıñ avgust ayına kürä il eçendäge säfärlärdä 10,8%lık artış belän 74 meñ, xalıqara säfärlärdä 9%lık artış belän 69 meñ barlığı 9,9%lık artış belän 143 meñgä citüen xäbär itä.
“Milliyät” gazetı Törkiyädä internet qullanuınıñ dönya külämennän kübräk buluın yaza.
Gazet Törkiyäneñ sensorlı telefon qullanışında da dönya külämennän kübräk häm sensorlı telefonnı iñ küp qullanuçı berençe 50 ildän berse buluın belderä.
“Yäni Şafak” gazetı “Köroğlu UNESCO mirası bulu yulında” isemle xäbärendä Bolu şähäreneñ Köroğlu dastanınıñ UNESCO Mädäni miras isemlegenä kertelüen tä’min itäçäk ber festivalğa äzerlänüen citkerä.
Gazet törki dönyadan yözlärçä keşe qatnaşaçaq festivalneñ 26-28nçe sentyabr könnärendä uzaçağın uquçıları belän urtaqlaşa.
Xäbärdä batırlıq häm ğadellek simvolı bulğan Köroğlunı bar dönyağa tanıtırğa häm törki dönyanı urtaq qaharmannar tirä-yaqında berläşterüne maqsat itkän festivaldä tanılğan törek uyınçısı Türkan Şoraynıñ da xörmätle qunaq bularaq qatnaşaçağı urın ala.
“Akşam” gazetı “Törek cıyılma komandası çirek finalda” isemle xabärendä FİBA Dönya kuboğınıñ 2nçe turdağı matçında törek taqımınıñ Awstraliyane ciñüen yaza.
Xäbärdä Törkiyäne söyendergän komandanıñ çirek finalda Litva taqımı belän uynayaçağı citkerelä.
